Jeremia 31:22 - Iaai Bible 1901 (New Caledonia)

²² Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Jeremia 31:22 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 3:4

Hawa, u me ca he ka hao nya hwân walang ang, Cica, u at ame su nya kʼ iny tiga ûhnyûkong?

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Jeremia 49:4

Anyin a ieû u me hobeluâ je hnyigöulen bucen, a ânyâm hnyigöulen bucen ame di, u hlu at ame labö kolu? a at ame labageju ka je omjehen me ba, ka habe, Ie at ame he ka he könya?

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Hosea 4:16

Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Hosea 8:5

Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Numera 16:30

Ke ame ne he Iehova ka ânyâ ke ûnyi a teb ûnyi, kʼ ame ne memang ut kânâ me utʼ ödrin, me ta je ûnyi hia unyidrin, ke ödrin e ne dit ke möt hedis ai; awe, öbun e he ka wâhmakhmeto a gʼ ame hûkötiö Iehova hnen hnyat eang.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,