Jeremia 31:18 - Iaai Bible 1901 (New Caledonia)

¹⁸ E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 31:18 ပူးပေါင်းရင်းမြစ်များ

Jobu 5:17

Wâ bi, e hnahic at Khong ame nâ; Anyin a wale, u ma ca höciâ hna nâ hnen Ataekhanahia.

Salamo 118:18

Haba Ja ame hia but osoi nya hwegiö nya: Kʼame ca hia but hnö nya bi he ka mok.

Salamo 119:67

Oge me he monu waleji hnyi ûen a iny tiga ca vec; Ke walang ang inya oge me vheno hwâm hofuc.

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 31:15

Haba bonguk ta je bong me eû hnyi hnyamâm: Ö u omeli nya ûnyi hnyi hnyamen ta je iwahnaihmiony mönya, me tavat adre me sedö nya.

Salamo 32:9

Ca he öbun ka helâ me hors, me miul, ae ba hnyekon: Ke hamen fao me toiny he ka hom thawʼ ödra, Wâ ödra nye ca ûhakekenyi u.

Salamo 80:19

Iehova lö, Khongon sabaoth, ohmetu ohmun ju; Omelamâ thö hnyimâkâm, mʼ ohmun e möt ut.

Salamo 80:3

Khong lö, ohmetu ohmun ju; Me öumumelamâ thö hnyimâkâm, mʼ ohmun e he ka möt.

Salamo 80:7

Khongon sabaoth lö, ohmetu ohmun ju; Ke omelamâ thö hnyimâkâm me ohmun e he ka möt.

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Salamo 94:12

Ja lö, hnahic hnen at u je osoâ, Me nâ e ûnyi hnyi ânyâm hnanyibu;

Ta je Vejec 26:3

Hobi kâu hors ong uto, ke hobi kâu asina toiny hnyimen, Ke hobi kâu unyin at ae monu osö.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Ta je Vejec 3:11

Nokuk lö, ca hûkotiâ bi je hna nö u ga Iehova; Ke u ma ca sënyin e ka fuc:

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 51:20

Ame ta but je lakom, adre me mokut hnyi je hna saû hia hnyi gethen, helâ me gotiny hnyot ame hnok hnyi ert; adre unöngötö ge hmonyin anyi Iehova, wale hna thawâ hnen Khongom.

Isaia 53:7

Adre me ovecâ e, ke e ame ka hokhnyokâ, kʼ ame ca khong hnyimen bi; adre me lelö e helâ me nokon mamoe adre me hom he ka hlingâ, ke helâ me mamoe ame laba hnyibû hnyi hnyimakan tavat subâ leûnen; eke, e ame ca khong hnyimen.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Je tenge anyi Jeremi 5:21

Iehova lö, ohmetu ohmun ju köu, me ohmun e hmetu ju; Ohâtâ thö bonguhmun ta je bong helâji me ehac.

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Hosea 10:11

Eferaima kau ae khenen, at ame beututo hwit; ke oge hia but hanyâûâ nyin ae hmanenang: oge me he ka ip at ka hije hu Eferaima; kʼ ame he Juda ka wia kânâ, kʼ ame he Jekob ka trohnenâ kânân kânâ.

Hosea 4:16

Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Zefania 3:2

E ame ca long hofuc; e ame ca kap hna ûnö; e ame ca labageju bi kö Iehova; e ame ca hakekeny bi ka Khong.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Malaki 4:6

Ke e ame he ka ohmeto je hnyekon lakamen ka lakon, ke je hnyekon lakon ka lakamödra; wâ oge nye o me kot kânâ ge hnaûhangö.

Numera 2:18

Ke haba haten lap anyi Eferaima ame he ka e bi hnyi ke keihen e jio, hoton köiödra: haba Elisama nöku Amihuda ame he ka thaniny lakon Eferaima.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Luka 15:20

Me e ame tot, me he ka kamen. Ke kamen ame wâ, ke tiga sâkâû, me e ame betenge gan, me wadring, me ta ju hon nyin, me ûcimhnyimak mē.

Ta je huliwa 3:26

Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Heberu 12:5

ke öbun e hnying ut hna ûne wale ame ùsabö mʼ öbun helâ me je lakon, ka habe, Nökuk lö, ca oûnyibâûâ hna nâ hnen Than, Ke ca monumonu bi, e ka thawo u;

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.