Jeremia 31:14 - Iaai Bible 1901 (New Caledonia)

¹⁴ Ke oge me he ka osekunâ tavat bihut ge pipikhenya, ke oge me he ka osekunâ lakeik ge soik, haingö Iehova.

Jeremia 31:14 ပူးပေါင်းရင်းမြစ်များ

II. Man Ûlabainy Je Than. 6:41

Ke walang, Iehova Khong lö, todrö ka hnyi hnâm hna mokut, u me tangen hwegiâm: Iehova Khong lö, e so adre me khavâ ge ûhomeli ânyâm tavat bihut, me senyinâ hwakecin ae so ânyâm tavat ae kap.

Nehemia 10:39

Ke hamen lakon Isaraela me lakon at Levi he ka hom ka hnyi je hnyeule hudiny hwit, me waina, me wakaco, a eling je kaiainy dok ae kap, me tavat bihut a hnyat bi huliwa, me tavat tuö hwanuma me tavat khumöng: ke otin e ca he ka degec uma umen Khongutin.

Salamo 107:9

Anyin a e ame osekunâ hanon at ame behu, Me öunöngötâ ge so hanon at ae mekihnânem.

Salamo 132:16

Oge me he ka khavâ minya anyin tavat bihut ge ûhomeli: Kʼ ame he anyin wakap ka khumöng senyin.

Salamo 132:9

E so e khavâ hwakecin ae wisa hnen tavat bi hut köu, Ke so ame khumöng senyin hnen ânyâm wakap.

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 36:8

Adre me he ka sekudra gan hmâ ge ta je ûnyi ae pipikhenya hnyi umâm uma; Ke u me he ka habelidra ge wageweiny ânyâm senyin.

Salamo 63:2

Oge hia but ö u hnyi umâm uma ae kap, Mʼ inye he ka wâ manâm man me ânyâm hmanenang.

Salamo 63:5

Ame he ka sekon hanuk helâ me hnen onyen je jö me pipikhenya; Ke ame he hnyimök ka oganö u hnen li esongodiny senyin;

Salamo 63:6

Iny ka ûnykûmi u hon hnok hna mokut, Me wâ ûnykûme gam hnyi je hmak hnyi hnyinghet.

Salamo 65:4

Hnahic hnen at u je ûca, me ohakekenyi u, Me me he ka laba hnyin je hnyeulem: Ame he ka sekuhmun ge soiny umâm uma, Wale dok ae kap a umâm uma.

Salamo 85:13

Ame he hwakecin ae wisa ka he hnyi hnyimakan; Me ame he ka ânyâ deny li hnyeûcan me me gethen he ka he hnyin.

Salamo 90:14

Ö u osekuni ohmun dö hnyi je hnomakatu ge ânyâm ibetengiö; Mʼ ohmun e he ka senyin me hobâ hnyi bonguhmun ta je bong hia.

Khumöng Hwanyi Solomona. 5:1

INYA oge me o ka hnyi ik hnyei, waek, öiök: Oge hia but auk anyik muro, ke anyik je ûö ae bo so; Oge me an anyik hani adre ca hlec tha e me hani; Oge me ijem anyik waina me debai. Je lahanök lö, han ju; Öbun laoûnykûmik lö, ijem gânâ thö.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Ezekiela 34:14

Oge me he ka ha ödra hnyi je sajilat ae so, ke ame he ka hnen hagidra hon je bucen ae beû hnyi Isaraela: adre me he ka mokut eling hnyi hak ae so, me han hnyi sajilat ae hât hon je bucen Isaraela.

Hagai 2:19

Hawa e hu hatong hnyi omhani? eke, ame ca wa bi ivine, me imeta, me rimona, me elaio; hwân hnyi bong ang oge me he ka ohnahici öbun.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Efeso 3:19

me he ka khanʼ öbun ibetengiö anyin Keriso ae beönua eling hon metâ, me me he ka ounö-ngöti öbun hnen Khong.

Deuteronomi 33:23

Ke e ame ha ga Nafatali, ka habe, Nafatali lö, u sekom ge ibetengiö Me unöngötö ge hnahic ûnyi ga Iehova: U me he ka tren ke keihen e jio me hwaiöu.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.