Jeremia 31:13 - Iaai Bible 1901 (New Caledonia)

¹³ Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 31:13 ပူးပေါင်းရင်းမြစ်များ

Ezera 6:22

me ânyâ senyinâ hnyi seven je bong bijeûiny areto adre ca levenâ: anyin a Iehova ame osenyini ödrin, me wia ködrin hnyekon than Asuria, me ohwegiâ je hnyamödrin hnyi huliwainy uma umen Khong, wale Khongon at Isaraela.

Nehemia 12:27

Ke haba hnyi hna okabâ hna up haginy Jerusalema, ödrin e elâm at Levi hnyi anyidrin je taun hia, he ka hum ödrin Jerusalema ai, he ka hnyi okabâ hak me senyin, me ole, me khumöng, ge je simebalo, me je nabeli, me je kitara.

Nehemia 12:43

Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Esetera 9:22

wale li bong waleji hnen at Juda hna menâ ge je iwahnaihmiony mödrin, me tehi waleji adre me wia hmutu ködrin ûheny hnyi hna hmak hnyekon, me me senyin bi, ke ûheny hnyi hna tenge, me me bong bi ae so; mʼ adre me he ka ânyâ hnân li bong bijeû me senyin, me hnân ûhamköuâ je jekhoû, me ham je bwihlany ka tavat ae theduoc.

Salamo 126:5

Haba tavat adre me ta tengiâ, adre me he ka meno hnyi senyin.

Salamo 148:12

Je wahidröu me wahlu minya; Wahingat me je wanakat:

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 60:20

Ame ca he hmetu ka dit ânyâm seûno, ke ame ca he bi ka hia ânyâm tehi: anyin ame he Iehova ka melamâm nyiele balua, ke adre me he ka umo je bonginy tenge a u.

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Ioane 16:22

E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Owisa 21:21

ke wâ bi, ame ne didrut je hluiny Silo he ka bibiâ, me öbun e he ka o ûnyi hnyi je hnyei vine, me ve khot âiân je hluiny Silo, me he ka hnyi hnyei Beniamina.