Jeremia 31:12 - Iaai Bible 1901 (New Caledonia)

¹² Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 31:12 ပူးပေါင်းရင်းမြစ်များ

Salamo 130:4

Ke u thibi at ame thang degecâ, Mʼ adre me he ka outö u.

Isaia 1:30

Anyin a öbun e he ka helâ me iwajo ae meleca lan, me helâ me hnyei ae ba köiö hnyin.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 52:8

Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 60:20

Ame ca he hmetu ka dit ânyâm seûno, ke ame ca he bi ka hia ânyâm tehi: anyin ame he Iehova ka melamâm nyiele balua, ke adre me he ka umo je bonginy tenge a u.

Isaia 65:19

Ke oge me he ka senyinâ Jerusalema, me hobâ ta je atök: ke adre me ca he hmetu ka long hwan thungaû, me tenge.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 31:24

Kʼ ame he Juda me je tauniny hia ka tha labā e; tavat belök, me tavat alin meno.

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Jeremia 32:15

Anyin a walang hna ha hnö Iehova tuhan sabaoth, Khongu Isaraela, ka habe, Adre me he ka he hmetu bi ka ûco je uma, me je utkânâ, me je hnyei vine hnyi hnyei ang.

Jeremia 33:12

Walang hna ha hnö Iehova tuhan sabaoth, ka habe, Hnyi dok ang ae ba wan, ke ba minya at me meno, me hnyi ta je tauniny hia, ame he ka hu hnyaban tavat tuö mamoe, adre me mokulec haledra je hnahat mamoe.

Jeremia 33:13

Hnyi je tauniny hnyei ae hut me je tauniny hnyei ae hnyikânâ, me je taun hnyi Hwaiöu, me hnyi hnyei Beniamina, me je dok igigilo Jerusalema, me je tauniny Juda, ame he hmetu je hnahat mamoe ka he hmelen li hnyamen at ame tuʼ ödra, haingö Iehova.

Ezekiela 17:23

kʼ oge me he ka tä e hnyi bucen Isaraela ae beû: kʼ ame ke ka vhei je anginy, me wa, kʼ ame he bi ka arasi ae hmanenang: kʼ ame he ka laba eû hmelen ta je meno hia thithö ae ve man ûgâidra: adre me he ka laba hnyi hmenon je vheiny e.

Ezekiela 20:40

Anyin a hnyi hon anyik bucen ae kap, hon bucen dok ae gorany hnyi Isaraela, haingen Than Iehova, ame he ka bi athnyabaik eling hnyi hnyei hnen lap anyi Isaraela hia, a ödra hia thithö; oge me he ka köp ödra eling, ke oge me he ka elâm eling anyibun je bwihlany, me je hudiny anyibun wan a bân, me anyibun ta je ûnyi hia ae kap.

Ezekiela 34:14

Oge me he ka ha ödra hnyi je sajilat ae so, ke ame he ka hnen hagidra hon je bucen ae beû hnyi Isaraela: adre me he ka mokut eling hnyi hak ae so, me han hnyi sajilat ae hât hon je bucen Isaraela.

Ezekiela 36:30

Ke oge me he ka osehia ta je wan ûö, me jeûiny kânâ, mʼ adre me ca he hmetu ka haikongu öbun can hmiâ unyin ta je hnyei.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Hagai 2:19

Hawa e hu hatong hnyi omhani? eke, ame ca wa bi ivine, me imeta, me rimona, me elaio; hwân hnyi bong ang oge me he ka ohnahici öbun.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Ioane 16:22

E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.