Jeremia 31:1 - Iaai Bible 1901 (New Caledonia)

¹ HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Jeremia 31:1 ပူးပေါင်းရင်းမြစ်များ

II. Samuela 7:24

Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.

Salamo 144:15

Awe, hnahic hnen hnyei a helâe; Eke, hnahic hnen hnyei a Iehova Khongudrin.

Salamo 48:14

Anyin a haba Khong ang me Khonguta nyiele nyiele balua: E ame he ka su ota ke ne o but hnyi mok.

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:22

Ke öbun e he ka lakeik, ke oge me he ka Khongubun.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:38

ke adre me he ka lakeik, ke oge me he ka Khongudrin:

Jeremia 33:14

Wâ bi, ame he ka o je bong, haingö Iehova, me oge me he ka ohwâdâ hofuc ae so waleji oge ha ge lap anyi Isaraela me lap anyi Juda.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 50:4

Hnyi je bong eling me ûen e, haingö Iehova, ame he ka o je lakon Isaraela, tha ödra me je lakon Juda, adre me he ka he me tenge tot, me elom Iehova Khongudrin.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Ezekiela 34:24

Ke inya Iehova Khongudrin, ke Davita athnyabaik tuhödra; inya Iehova at ame ha.

Ezekiela 34:31

Ke haba öbun halek je mamoe, je mamoeiny ta ik, öbun je at, ke inya Khongubun, haingen Than Iehova.

Ezekiela 36:28

Me öbun e he ka laba hnyi hnyei waleji oge me ham ka lakamöbun; ke öbun e he ka lakeik, ke oge me he ka Khongubun.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Ezekiela 39:25

Anyin a wale, walang hna ha hnen Than Iehova, ka habe, Oge me he walang ang ka ohmetu Jekob ûheny hnyi hna bâ, me betenge hia ge lap anyi Isaraela; me oge me he bi nya ka ciâ can iök ae kap.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Levitiko 26:12

Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.