Jeremia 30:8 - Iaai Bible 1901 (New Caledonia)

⁸ Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

Jeremia 30:8 ပူးပေါင်းရင်းမြစ်များ

Salamo 107:14

E ame hum ödra ûnyi hnyi menekholom me hmenon mok, Me thu je hna cʼ ödra.

Isaia 10:27

Ke hnyi bong eling adre me he ka hom honen hok ûnyi hnyi hon bajebenyâm, me anyin bi hna ûhûkâlâköuâ ûnyi hnyi hon nyem, ke adre me he ka ohia hna ûhûkâlâköuâ, can wakaco hnân hû.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 14:3

Ke haba hnyi bong ame he Iehova ka omeno u ûnyi hnyi ânyâm vec, me ânyâm ot, me huliwa ae hmak adre me kunö u ka hnyin,

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Jeremia 27:2

Walang hna ha könya hnö Iehova, ka habe, Anyâ thö hobi köu je tö me je hna ûhûkâlâköuâ, me ip hon nyem:

Jeremia 27:7

Ke ame he je hnyei hia thithö ka bi athnyabainy, me lakon, me laöbiny, ke ne o but ame o but ûen iny hnyei bi: ke ame he bi je hnyei ae se hia, me je than ae gan ka thaluâ e.

Jeremia 28:10

Me haba perofeta Hanania ame hom hna ûhûkâlâköuâ ûnyi hnyi hon nyi Jeremia perofeta me thamuâ e.

Jeremia 28:13

He thö ka ha kö Hanania perofeta, ke habe, Walang hna ha hnö Iehova, ka habe, U je hia but thamuâ hna ûhûkâlâköuâ a utö, ke u me he ka ânyâ ke je hna ûhûkâlâköuâ a fao me hnân hwaban.

Jeremia 28:4

ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.

Ezekiela 30:18

Ke ame he ka olidrâ lany hnyi Tapanesi, iny ka he ka thamuâ eling je hna ûhûkâlâköuâ anyin Aigupito, ke ame he ka o obiny hmanenanginy maniny man; ke haba e, me adre me he ka tube e hnen ûlâ; kʼ ame he lakon wahlu ka bâ.

Ezekiela 34:27

Ke ame he je ûöiny hnyei ka wa, kʼ ame he kânâ ka ham jeûiny, kʼ adre me he ka laba khotkic hnyi idra; me adre me he ka wâ a inya Iehova, iny ka hia but thu je venyâiny hna ûhûkâlaköu ödra, me omeli ödra ûnyi hnyi hnyamen tavat adre me thalu ödra.

Nahuma 1:13

Ke walang ang oge me he ka thu anyin hna ûhûkâlâköuâ walethö hom, ke thamuâ je hna cö u.