Jeremia 30:3 - Iaai Bible 1901 (New Caledonia)

³ Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 30:3 ပူးပေါင်းရင်းမြစ်များ

Ezera 3:1

KE ame o but tehi a seveniny, ke e but lakon Isaraela hnyi anyidrin je taun, me haba tavat adre me ûkhacaköu hnyi Jerusalema helâ me at a khaca.

Ezera 3:12

Ke se hia tavat bihut, me at Levi, me je kamen ae beönua, a wahingat ödrin e wâ uma a ban, ke adre me bi taben uma eang hnyi hnyimaködrin, me ödrin e tenge hwege goranyai; ke se hia tavat adre me hongot hwege goranyai hnyi senyin:

Ezera 3:8

Ke haba hnyi huna a loiny hnödrin hna o ka hnyi uma umen Khong hnyi Jerusalema, hnyi tehi a loiny, me ame hwân Zerubabela nöku Sealetiela, me Jesua nöku Jozadaka, me je kolon a je liamekeiny mödrin a tavat bihut, me at Levi, me hnyat hia adre me he Jerusalema ai ûhedrin hnyi hna bâ; he ka otilâ at Levi, hnyat a twente huna me gan hon e, he ka muso huliwa hnyi uma umo Iehova.

Salamo 126:4

Iehova lö, hmetu ju kohmun ta je bâ, Helâ me ta je wekhet hnyi Hwaiöu.

Salamo 53:6

E na o but ûhomeli anyi Isaraela ûheny Ziona! E ka he Khong ka ohmeto lakeiny tavat adre bâ, Me me he Jekob ka senyin, kʼ ame he Isaraela ka hobâ.

Jeremia 16:15

ke so bi, Kia inya Iehova at ame hom lakon Isaraela ûnyi hnyi hnyei hnyi hwadro, me ûnyi hnyi je hnyei hia waleji e ame obʼ ödra ka hnyin: ke oge me he ka ohmetu ödra ka hnyi idra hnyei, waleji oge ham ka lakamödra.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 27:11

Ke haba hnyei tavat adre me hna je nyidra ka hnyi hna ûhûkâlâköuâ anyin than Babulona, me bi athnyabainy, me oge me he ka ip tavat eling ka laba bi hnyi idra, haingö Iehova; ke adre me he ka belökâ me labā e.

Jeremia 27:22

adre me he ka hom ta je ûnyi e Babulona ai, ke ame he ka hnen ling ke ne o but hnyi bong oge me he ka senʼ ödra hnyin, haingö Iehova; me oge me he ka hom ta je ûnyi e me ohmeto ka hnyi dok ang.

Jeremia 29:10

Anyin a walang hna ha hnö Iehova, ka habe, E ka bekhot dö ta je huna a sevente hnyi Babulona, oge me he ka senʼ öbun, me ohwâdâ köbun hok hofuc ae so, mʼ adre me ohmetu öbun ka hnyi dok ang.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:18

Walang hna ha hnö Iehova, ka habe, Wâ bi, oge me he ka ohmeto je uma mano umö Jekob adre hom, me betenge ge hnyaban; ke adre me he ka otilâ taun hon hna hagutâ e, ke ame he ka tot uma umen than hoton bongon e.

Jeremia 30:4

Ke walang je hofuc ho Iehova ge at Isaraela, me Juda.

Jeremia 31:16

Walang hna ha hnö Iehova, ka habe, Soju hwâm hwatenge, me khula a li deköiâm: anyin adre me he ka bi troban ânyâm huliwa, haingö Iehova; ke adre me he ka hmetu ûnyi hnyi hnyei iny je iwahnaihmiony.

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Jeremia 31:27

Wâ bi, ame he ka o je bong, haingö Iehova, me oge me he ka tû lap anyi Isaraela me lap anyi Juda, a je wan at, me wan meno.

Jeremia 31:31

Haingö Iehova, ka habe, Wâ bi, ame he ka o je bong me oge me he ka ânyâ ûhihinyköu a teb ûnyi me lap anyi Isaraela, me lap anyi Juda:

Jeremia 31:38

Wâ bi, ame he ka o je bong, haingö Iehova, me adre me he ka op taun hobi kö Iehova, hwân hnyi tap ae beû goranyai tabô Hananel, ke ne o but hnyi homagouleny kop.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 51:60

Ke haba Jeremia ame sihnalimen hnyi tusi ta je ûnyi ae kong ame he ka o kö Babulona, wale ta je hofuc eang hia waleji adre me sihnalimen ge Babulona.

Ezekiela 20:42

Ke öbun e he bi ka wâ a inya Iehova, iny ka he ka hum öbun ka hnyi hnyei Isaraela, waleji hnyei oge me hinöbeny he ka ham ka lakamöbun.

Ezekiela 34:13

Ke oge me he ka su ödra ûheny unyin tavat, me ûkhacaköu ödra ûheny hnyi je hnyei, me hum ödra ka hnyi idra; ke oge me he ka ha ödra hon je bucen Isaraela, hnyi je deny köiö, me hnyi je ke keihen hnyei adre me labâ.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Ezekiela 47:14

Ke öbun e he ka ve hu e, ke at me ke at; waleji oge me inâ göranyai hnyamok he ka ham e ka je Akamöbun: ke öbun e he ka hu hnyei ang hnân ibun.

Joela 3:1

ANYIN a wâ bi, haba hnyi je bong eling ke ûen eling, iny ka he ka hom hmetu je bâ wale a at Juda me Jerusalema,

Zefania 2:7

Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.

Luka 17:22

Ke e ame ha ka laten, ka habe, Ame he ka o ûen, öbun e he ka weny he ka wâ ke bonginy Nokon at, ke öbun e ca he ka wâ.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 21:6

Haba ta je ûnyi e öbun e wâ, ame he ka o ûen, me ame ca he bi ka hnen ke veto hon ke veto, ke adre me he ka thö hia.

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 30:5

ke ame he Iehova ka hum u ka hnyi hnyei a labā lakâmâm mʼ u me he ka labā, ke e ame he ka osoi u, me osehiö u hon je lakâmâm.

Heberu 8:8

Anyin a e ame haikongu ödra me ha, ka habe Haingen Than, ka habe, Wâ bi ame he ka o ta je bong, Me oge me he ka ânyâ ûhihinyköu ae teb ûnyi me lap anyin Isaraela me lap auyin Juda;