Jeremia 30:21 - Iaai Bible 1901 (New Caledonia)

²¹ Ke ame he ka o than ûnyi gadra, ke ame he ka o ûnyi hnyi wanbödra at ama musi ödra; ke oge me he ka ohakekenyâ e könya: ke ie at ae hu tang hwegien he ka hakekenyi nya? haingö Iehova.

Jeremia 30:21 ပူးပေါင်းရင်းမြစ်များ

Genese 18:27

Ke Aberahama ame thu me ha, ka habe, Wâ bi, anyin a iny hwege hnyok he ka fuc köu, Than, kʼ iny sesâiny kânâ me hnabadröu;

Genese 18:30

Ke haingen, ka habe, E na ca he Than ka hmö-nyin, mʼ oge me he ka fuc: hawa a ne hu tavat a thöte? Ke e ame ha, ka habe, Oge me ca he ka ânyâ oge ne wâ eling tavat a thöte.

Genese 18:32

Ke e ame ha, ka habe, E na ca he Than ka hmönyin, mʼ iny okhaca biju fuc: hawa a ne hu tavat a libenyita? Me haingen, Oge me ca he ka ohia e can tavat a libenyita.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Samuela 7:13

Me e ame he ka otilâ uma hobi kâu iök, me oge me he bi nya ka ohmâ theroniny dokhon dökhu nyiele balua.

Ezera 2:2

tavat adre me tha o me Zerubabela, a Jesua, me Nehemia, me Seraia, me Reelaia, me Modikai, me Bilesan, me Misepa, me Bigevai, me Rehum, me Baana. Haba ûseiny tavat aten Isaraela:

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Salamo 65:4

Hnahic hnen at u je ûca, me ohakekenyi u, Me me he ka laba hnyin je hnyeulem: Ame he ka sekuhmun ge soiny umâm uma, Wale dok ae kap a umâm uma.

Salamo 89:29

Ke oge me he ka otethmâ je mâtrâniny nyiele balua, Me anyin theron helâ me ta je bong hnyi drany.

Esodo 3:5

Ke ame thu, ka habe, Ca hakekeny bi kââng: uny jut taben li hnyeûcam ûnyi hnyi li cam, anyin a haba dok e u me tot hnyin, me, wale kânâ ae kap

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Jeremia 33:15

Hnyi je bong eling, me ûen eling, oge me he ka oâ kö Davita Angin hwakecin ae wisa, ke e ame he ka ânyâ ûnyi ae wisa me ûnyi ae ûcû hnyi hnyei.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Mataio 2:2

ke haingödrin, ka habe, Ewa at adre hnokoâ me Tuhan at Juda? anyin a ohmun e wâ but jimeyö anyin okhû, ke ohmun e o but he ka khudrung kâu.

Mataio 27:37

Ke adre me ip ethö hon ban hna bi fuco e adre sihnalimen, ka habe, Walang Iesu a Tuhan at Juda.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 24:26

Hawa, ca hamen Keriso he ka kap ta je vec eling, me he ka dit ka hnyi anyin hmanenang?

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Deuteronomi 17:15

awe, u me he ka otilâ than a at ame he Iehova Khongom ka ûca: ke u me he ka otilâ ânyâm than ûnyi hnyi je liamekeiny mou: kʼ u me ca he ka otilâ atkanyua hom, a ca liamekeiny möu.

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.

Deuteronomi 33:5

E than hnyi Jesuruna, Hnyi ûkhacaköuiny je taben hnyei, A je tribu Isaraela hia thithö.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.