Jeremia 30:17 - Iaai Bible 1901 (New Caledonia)

¹⁷ Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 30:17 ပူးပေါင်းရင်းမြစ်များ

Jobu 5:18

Anyin a e at ame ovecâ me lan minya; E at ame bi aat me ometo minya ge li hnyamen.

Salamo 103:3

Wale at ame hna degecâ ânyâm ta je hulo hia; Me ometo hnâm je mok hia;

Salamo 107:20

E ame kunâ hwan hofuc, me ohmetu ödra, Me omeli ödra ûnyi hnyi anyidra ta je thop.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Salamo 23:3

E ame ohmeto hanuk: E ame su nya hnyi je gethen deny hwakecin ae wisa ûnyi ge ien.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 33:24

Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.

Isaia 54:6

Anyin a hia but Iehova hawo u helâ me momo adre me degec ke hlöuhlöu hnyok, ke helâ me momo adre hom ke hlu, kʼ adre obâ degecâ, haingen Khongom.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Jeremia 10:20

E kong ut umök uma mano, ke mou but anyik je tö hia thithö: a he but lakuk, ke ba but, e ba hmetu at he ka ulolo umök uma mano, me otilâ anyik hak mano.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 30:13

E ba at ame he ka ivino hobi köu, mʼ adre me he ka lan u; e ba bubuny adre me melen unyâm.

Jeremia 33:24

Hawa, u me ca ûnykûme hofuc hwan tavat ang waleji a haingodra, ka habe, Haba li lap waleji a ûca Iehova, me e ame hna degecâ but? ke adre me hûkotiâ lakeik, me me ca hnyei hmetu bi hnyi hnyimakodra.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Je tenge anyi Jeremi 2:15

Adre me khöûkhöû hnyam köu tavat hia adre me vheno unyâm; Adre me jû me nyinyikâ je bödra ka hluiny Jerusalema, haingodra, ka habe Hawa, wale taun adre me labö ha, ka habe, E beönua hmanenanginy, ame senyinâ hnen hmeledrany hia?

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 35:12

Me u me he ka wâ a inya Iehova at ame long hia hnâm hna bi gan waleji u je hia but hâiâ je bucen Isaraela, haingâm ka habe, E ba but wan, kʼ adre hna but kohmun he ka han.

Ezekiela 36:20

Ke hnyi ûen adre me o ka hnyi je hnyei, waleji adre me he ka hnyin, me adre me okongoâ iök ae kap; anyin ame ha tavat gadra, ka habe, Ta je atö Iehova ang, kʼ adre me he but ûhedra hnyi iny hnyei.

Hosea 11:3

Ke so bi oge me nö Eferaima he ka he, oge me deluʼ ödra ge li benyik; ke ca khanʼ ödrin a oge me ometu ödra.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

Hna Omanenâ 22:2

hnyi wanben getheniny. Ke e hnyi li baten wagewe ûöiny möt, at ame wa wan a twelv je bongon, ke ame wa hnyi je tehi hia: ke haba ta je lan ûö me hnân omelö ta je hnyei.