Jeremia 30:16 - Iaai Bible 1901 (New Caledonia)

¹⁶ Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

Jeremia 30:16 ပူးပေါင်းရင်းမြစ်များ

Salamo 129:5

E so adre me he ka hmehma, me ohmetuhmeto ödra hia Wale ame hmiödra Ziona.

Esodo 23:22

Ke u ka he ka löng hoton hwan hofuc, me ânyâ hia hnök hna ha; me oge me he ka iwahnaihmiony me je iwahnaihmiony möu, me ivinö me at ame ivinö möu.

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Isaia 14:2

Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 54:15

Eja ke ne adre ne ûkhacaköu, ke ca ûnyi bi gak: haba tavat adre me ûkhacaköu he ka vat möu, adre me he bi ka ta, can bi u.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 2:3

E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Jeremia 25:12

Ke e ka bekhötö ta je huna a sevente, me oge me he ka bi hwaban ka than Babulona ke tavat eling can hwakecidra ae kong, haingö Iehova, ke hnyei Kaledaia: ke oge me he ka wia e me me ba wan nyiele balua.

Jeremia 30:15

Ieû gam u me tenge can hna kuc u? e ca hnân e eny ânyâm vec: oge ânyâ e köu can ae se hia je hwakecâm ae kong, ke ti se hia ânyâm je hulo.

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Jeremia 8:16

Ame o but ûheny Dana hwan hna menâ hwege hnen haleny je hors: ame tha öbubuny hnyei hnyi ûkukuiny anyin tavat hwege, ke adre me o me an hnyei me ta je ûnyi hia hnyin: taun me tavat adre me labā e.

Je tenge anyi Jeremi 1:21

Adre long ut a inya oge mâng; ke ba at ame otubweli nya; A long ut je iwahnaihmiony mönya hia hna okongu nya; adre me senyin a u je hia but ânyâ: U me he ka oâ bong waleji u je thu, mʼ adre me he ka ûcû mönya.

Je tenge anyi Jeremi 1:22

E na o ju ta je hwakecidra hia ae kong hnyi hnyimâkâm; Ke ânyâ thö kodra helâji me hnâm hna ânyâ könya can hnok je hna hanyâûâ: Anyin a iny osehia but mâng, ke sēnyin dut hnyekuk.

Ezekiela 29:6

Ke ame he aten Aigupito hia ka wâ a inya Iehova, anyin a ödra uci hlowe ka lap anyi Isaraela.

Ezekiela 35:5

Anyin a hwân ehac ânyâm hmonyin, ke u je hia but hna but lakon Isaraela ka hnyi maniny hele vat hnyi ûen anyidra vec, hnyi ûen umö hwakecin ae kong:

Joela 3:8

ke oge me he ka ûco lakubun obaga me wahlu ka je lakon Juda, kʼ adre me he bi ödra ka ûcû ödra ka at Sheba, hnyei ae sâkâû: anyin a hia but ha Iehova.

Mika 4:11

Ke walang ang ame ûkhacaköu je hnyei ae se ûcom, ke haingodra, ka habe, E so e ame kong bi, e so ate me wâ weta ka Ziona ge je emaköta.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Nahuma 1:8

E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Habakuka 2:16

U je unöngötö ge hmehma ke ca hmanenang bi: bethe ic dö minya, mʼ u me helâ me at adre ca peritomonâ: adre me he ka wia köu kaiainy hnyam a metö Iehova, ke ame he ka e bi hon ânyâm hmanenang hmehma ae ikiki.

Zefania 2:8

Oge hia but long hna haikongoâ hnö Moaba, ke hna û hnen lakon Amona, waleji tavat adre me haikongoâ lakeik, kʼ adre me bi gan hnyi je hnyigöulödra.

Zakaria 1:14

Me haba angela at ame ûhnenamö mönya, ame ha könya, ka habe, Hongot dö me ha, ka habe, Walang hna ha hnö Iehova tuhan sabaoth, ka habe, Inya oge me ciâ Jerusalema, me Ziona, ke gan hmâ hna ciâ.

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.

Zakaria 12:2

Walang hna ha hnö Iehova at ame ulolo drany kʼ ame bi taben hmeledrany, me op hanon at eû hnyi hnyekon, ka habe, Wâ bi oge me he ka wia Jerusalema hnân kaiainy ta tot ka je hnyei hia igigilo, ke haba khaca me ame he ka e hon Juda hnyi hna igigilo Jerusalema.

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.

Zakaria 2:12

Ke ame he Iehova ka laba hnyi Juda, wale hwajekhon hnyi hnyei ae kap, me ame he bi ka ûca Jerusalema.

Zakaria 2:8

Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi.

Deuteronomi 30:7

Ke ame he Iehova Khongom ka ip je hnaûhangö hia eling hon je iwahnaihmiony mou, me tavat adre me hûkötiö u adre oveci u.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

I. Samuela 17:53

Ke a hmetu lakon Isaraela ûhedra hnyi hna hnu at Filisiti, me ödra adre me sö anyidra ta je ûnyi.