Jeremia 30:15 - Iaai Bible 1901 (New Caledonia)

¹⁵ Ieû gam u me tenge can hna kuc u? e ca hnân e eny ânyâm vec: oge ânyâ e köu can ae se hia je hwakecâm ae kong, ke ti se hia ânyâm je hulo.

Jeremia 30:15 ပူးပေါင်းရင်းမြစ်များ

Ezera 9:13

Ke hwaban ta je ûnyi hia ame o kohmun can hwakecihmun ae kong, me anyihmun hulo ae gan, anyin a u Khonguhmun u je bi hwaban ûhnyûkongo kohmun ke ca gan hmâ hoton anyihmun monu, ke u je ham kohmun ûhomeli helâng,

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jobu 34:6

Eja ke ne a ne hu gak wisa, me iny at thoi köbun; Ca hnân so hnok aat, eja ke ne a ne ba hnok hna hanyâûâ.

Salamo 107:17

Adre me ovecâ tavat ae monu can hnödra hna hanyâûâ, Me can anyidra ta je monu.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 5:2

ke e ame seû igigilo, me hlo je vetoiny, me tā vine soreka hnyin e, me otilö uma hnân belök wanben e, me si taben hlic vine hnyin minya: me e ame lubahingen he ka wa wan vine, ke ame wa bi wan vineiny hnyot.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 30:12

Anyin a walang hna ha hnö Iehova, ka habe, E ba eny ge ânyâm vec, ke gan hmâ hnâm aat.

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 30:16

Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Je tenge anyi Jeremi 1:5

E beönua tavat adre me okongoâ e, kʼ ame sot bi je iwahnaihmiony më; Anyin a Iehova ame hia but ovecâ e, can hnen je hna hanyâûâ ae se hia: Adre me hom bâ lakon ae ûhnyûkong hnyi hnyimakan je iwahnaihmiöny.

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Je tenge anyi Jeremi 3:39

Anyin a ieû ûhaiö at ae möt, wale at, can hwaban anyin ta je hulo?

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Mika 1:9

Anyin a ca hnân eny ta je aat gan: anyin a o but ke ne o but hnyi Juda; kʼ ame o ke ne o but ka hnyi homagouleny ik hnyei a Jerusalema.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Nahuma 3:19

E ba hnân okatebo hnâm hmouca; ke kong ut hnâm aat: ke haba tavat adre me long ge bongom, me adre me khöûkhöû hnyam gam; anyin â ie at ame ca hia but labö cap kâu ânyâm hulö?