Jeremia 30:13 - Iaai Bible 1901 (New Caledonia)

¹³ E ba at ame he ka ivino hobi köu, mʼ adre me he ka lan u; e ba bubuny adre me melen unyâm.

Jeremia 30:13 ပူးပေါင်းရင်းမြစ်များ

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jobu 5:18

Anyin a e at ame ovecâ me lan minya; E at ame bi aat me ometo minya ge li hnyamen.

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Jeremia 6:7

E ame hingâlâ hwakecin ae kong helâ me pupua ame hingölö hnyin köiö: adre me löng hnyin e ûokonguny me hna söh; e bala bi hnyi hnyimakök mok me je aat.

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Ezekiela 30:21

Nokon at lö, oge hia but thu benyi Farao than Aigupito; ke wâ bi, adre me ca lan e he ka bi bubunyin, ke ca ge mano me lan e, me me hwege hmetu e hnân he ka hok hele vat.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Nahuma 3:19

E ba hnân okatebo hnâm hmouca; ke kong ut hnâm aat: ke haba tavat adre me long ge bongom, me adre me khöûkhöû hnyam gam; anyin â ie at ame ca hia but labö cap kâu ânyâm hulö?

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa: