Jeremia 30:10 - Iaai Bible 1901 (New Caledonia)

¹⁰ Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:10 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Isaia 14:3

Ke haba hnyi bong ame he Iehova ka omeno u ûnyi hnyi ânyâm vec, me ânyâm ot, me huliwa ae hmak adre me kunö u ka hnyin,

Isaia 35:9

Ame he ka ba liona eling, ke ame ca he ka he kâe meno ame ûhûlû, adre me ca he ka wâ e eling: ke ame he tavat adre ûcû melidra ka vheno e:

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 44:1

KE walang ang long ju, Jekob athnyabaik; ke Isaraela waleji oge ûca:

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 23:8

ke so bi, Kia inya Iehova at ame su je mâtrâniny lap anyû Isaraela ûnyi hnyi hnyei hnyi hwadro, me ûnyi hnyi je hnyei waleji oge obʼ dra ka hnyin: me adre me he ka labā idra bi.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 33:16

Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Ezekiela 16:52

Ke haba u, hamâm he ka hom ânyâm hmehma, anyin a u je hia but haiwisa je liamekeiny möu; be ödra wisa bi hom, can ânyâm ta je hulo waleji u je ânyâ ae gan hmâ hudra: eke, u me he ka hlohlo, me hom ânyâm hmehma, anyin u je hia but haiwisa je liamekeiny möu.

Ezekiela 38:11

ke u me he ka ha, ka habe, Oge me he ka he ka hnyi hnyei ae hu je taun hnyin ae ba haginy; oge me he ka he kodra tavat adre me laba sot, adre me laba khotkic, ödra hia adre me laba ke ba hak adre op, ke ba ohmâiny me hlinginy homagöule:

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Hosea 2:20

Oge me he ka hum u könya hnyi hnathu: ke ame he ka khanö u Iehova.

Hosea 6:11

Ke u minya Juda lö, adre hia but thu bongon subö hwit hobi köu, waleji hnyi hnok hna ohmeto lakeik ûhedra hnyi hna bâ.

Joela 2:21

Hnyei lö, ca ot bi, senyin do me hobâ; anyin a hia but Iehova ânyâ ta je ûnyi ae gan.

Mika 4:9

Ieû ang a u me kuku goranyai? E ba than hnyi wanbâm? a mokcu at ame bi hnyimâm, anyin ame khöû u hnen vec helâ me momo ame vec hnyekon?

Zakaria 3:10

Hnyi bong eling haingö Iehova tuhan sabaoth, öbun e he ka ve hawâ je lahanöbun ka hnyi hmelen je ivine, me hmelen je imeta.

Ioane 12:15

U ca he ka ot, hlu nöku Ziona; wâ bi ame o but Tuhâm, ame tabâ nokon asina.