Jeremia 3:8 - Iaai Bible 1901 (New Caledonia)

⁸ Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 3:8 ပူးပေါင်းရင်းမြစ်များ

II. Man Ûlabainy Je Than. 21:11

Ke haba khaca e ame ânyâ je dok ae gorany hnyi je bucen Juda, me kunâ aten Jerusalema he ka bi ûnyi monu, me cubec at Juda.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 33:24

Hawa, u me ca ûnykûme hofuc hwan tavat ang waleji a haingodra, ka habe, Haba li lap waleji a ûca Iehova, me e ame hna degecâ but? ke adre me hûkotiâ lakeik, me me ca hnyei hmetu bi hnyi hnyimakodra.

Jeremia 5:7

Oge me he ka kâmâu he ka hnö u? haba je lakom adre hia but hna degeci nya, adre me khemanyin ge tavat a ca je khong bi: hnyi ûen oge me ha öʼdra sekuni ödra, adre me bi ûnyi monu, me ûkhacaköuâ je deö at hnyi je uma umen momo hnyi gethen.

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Ezekiela 16:47

Ke so bi u je ca vheno dedra je gethen, me ânyâ hoton hwakecidra ae ikiki; ke so bi helâke ame ûnyi ae ûhnyûkong eling, ke u je ânyâ hwakecin ae kong hmönyin hudra hnyi dem je gethen hia.

Ezekiela 16:51

Ke haba Samaria ame ca hia but ânyâ hafiny ânyâm hulo; ke u je osehia je hwakecâm ae ikiki hudra, me haiwisa je liamekeiny möu hnyi ta je hwakecâm ae ikiki waleji u je ânyâ.

Ezekiela 23:44

Ke ödrin e he kâu helâ me ûhedra ka momo hnyi gethen: helâe ödrin e he kö Ahola me Aholiba, li at ae ikiki hwakecidru.

Ezekiela 23:9

Anyin a wale oge me hna e ka hnyi hnyamen ta je laweny, ka hnyi hnyamen at Asuria, waleji e ame betenge gan.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Deuteronomi 24:1

AME ne ke baga ame hom momo me faipoipo me, ke e ame ca betenge bi gan, anyin a e ame wâ ke ûnyi ae ca so unyin, me e ame he ka sihnalimen hobi kâu tusiny degec momo, me ham ka hnyi hnyamen, me obâ ûnyi hnyi umen uma.

Deuteronomi 24:3

Ke ame ne hûkötiâ e ge baga a biliny, kʼ ame ne sihnalimen hobi kâu tusiny degec momo, ke ham ka hnyi hnyamen, me obâ ûnyi hnyi umen uma; ke ame ne mokcu baga a biliny at ame hom e me âiân;