Jeremia 3:6 - Iaai Bible 1901 (New Caledonia)

⁶ Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 3:6 ပူးပေါင်းရင်းမြစ်များ

I. Je Than 14:23

Ke ödrin e ânyâ minya hobi ködrin je dok ae görany, me je veto ame tot, me je Aseira, hon je dok ae hut hia, me hmelen je ûö ae hât hia thithö;

II. Man Ûlabainy Je Than. 34:1

EIT but je hunai Josea hnyi ûen e ame hwân ka than; ke e ame musi hnyi Jerusalema thote wan je huna.

Salamo 106:39

Waleling mʼ ödra kong bi ûnyi ge anyi dra ta je huliwa, Me bi ûnyi monu ge hnödra hna ânyâ.

Isaia 57:3

Ke hakekeny ju öbun je lakon momo at ame bihihwakecin, a je mâtrân momo ame bi ûnyi monu me momo hnyi gethen.

Isaia 57:7

U je hia but ip hnâm hna mokut hon bucen ae beû ke gorany, u je ölö kâe me hudo je hut.

Jeremia 1:2

waleji ame o hofuc ho Iehova kâu hnyi bong bongu Josea, nöku Amona than Juda, hnyi huna a thötininy anyin musi.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 17:2

ke haba ta je lakudra adre me ûnykûme anyidra ta je taben hut, me anyidra je Aseira hnyi je ûö ae hât hon je hut ae gorany.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Jeremia 5:11

Anyin a hia but lap anyi Isaraela, me lap anyi Juda ânyâ hwakecin ae iyawo könya, haingö Iehova.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Ezekiela 16:31

ke anyin a u je op ânyâm dok ae nua hnyi je hna saû hia, me ânyâ ânyâm dok ae gorany hnyi je gethen hia; ke ca ûcû bi me momo hnyi gethen u bi, u me hûkotiâ hwaban.

Ezekiela 16:35

Anyin a wale, momo hnyi gethen lö, long je hofuc ho Iehova:

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 23:11

Ke haba Aholiba a keiny ame wâ e, ke so bi e nua weny bi hnyi bi ûnyi ae ikiki hon tuhan, ke beönua anyin bi ûnyi monu hon bi ûnyi monu anyin tuhan.

Ezekiela 23:4

Ke haba li iödru, me Ahola atö, ke Aholiba keiny: ke anyik ödru, ke ödru me hnokoâ obaga me wahlu. Ke haba li iödru, me haba Ahola me wale Samaria, ke haba Aholiba, me wale Jerusalema.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 4:13

Kʼ adre me bi hut hon ban je bucen, ke leû utö ae bo so hon je dok ae gorany, ke hmelen je iwajo, ke je libene, ke je ela, anyin ae so hmenon: anyin a wale ame bi ûnyi monu lakubun wahlu, kʼ ame venöu laöiöbun.

Owisa 2:17

Ke ödrin e ca long ka tavat owisa kö drin, ke ödrin e bi ûnyi monu me je khong monu, me khudrung ködrin: ödrin logot saû ûnyi hnyi gethen a vheno lakamödrin waleji adre long hnanyibu anyi Iehova; ke ödrin e ca ânyâ bi helâe.