Jeremia 3:25 - Iaai Bible 1901 (New Caledonia)

²⁵ E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 3:25 ပူးပေါင်းရင်းမြစ်များ

Salamo 106:6

Öhmun e hia but ânyâ hwakecin ae kong helâ me lakamöhmun, Öhmun e hia but he hwali, me ânyâ hulo.

Salamo 106:7

Ame ca wâhmakhmeto ânyâm ta je ûnyi hnân lâiâ hnen lakamöhmun hnyi Aigupito; Kʼ adre me ca ûnykûme bi ûganiny ânyâm ta je betenge; Kʼ adre me ûkhin fuc hnyi köiö, wale Köiö ae Dra.

Salamo 109:29

E so he ka khavâ te je iwahnaihmiöny mönya ge hmehma, Ke so adre me tubi ödra bi ge ilitmak helâ me ûkhaû.

Ta je Vejec 13:18

Ame he ka theduoc me hmehma at ame höciâ hna ûne; Ke adre me he ka ogânâ at ame long hna nâ.

Ta je Vejec 5:13

Ke oge me ca long ifuciny tavat adre me nö nya, Me ca tevehlöng tavat adre me ûne könya!

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Isaia 50:11

Wâ bi, öbun hia thithö tavat öbun e hu meic, öbun e igigili öbun bi ge je okûnû: vheno thö melaminy hlögubun meic me je okûnû öbun e vâc. Öbun e he ka hu ûnyi gak; wale öbun e he ka mokut hnyi hlöuhlöu.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 14:20

Iehova lö, e khanʼ ohmun dut anyihmun hulo, me hulo anyin lakamöhmun: anyin a ohmun e hia but ânyâ köu hwakecin ae kong.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 2:26

Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 20:18

Anyin a ieû oge me o but ûhek hnyi hnyok he ka wâ vec me hlöuhlöu, me me he ka um dö bonguk je bong hnyi hmehma?

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 31:19

Ke hwaban e, e hnathu oge me hmetu, me oge me ietra; ke hwaban hnödra hna nö nya, me oge me khaû jevak: iny hmehma but, eke, iny hlohlo, anyin oge me hokhnyokâ hna haikongu nya kʼ iny tiga hidröu.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Jeremia 9:18

mʼ adre me ie tenge thungaû gata, me me hingölö je deköiö hnyi je emaköta, me khukhula köiö ûnyi hnyi je bademaköta.

Je tenge anyi Jeremi 5:16

Ame kolu but korona ûnyi hnyi hon ta je böhmun: Ekölö gahmun walang ang! anyin ae kong ut hwakecihmun.

Je tenge anyi Jeremi 5:7

A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

Ezekiela 2:3

Ke e ame ha könya, ka habe, Nokon at lö, inya oge me kunö u ka lakon Isaraela, ka je hnyei adre me ûkhin fuc, waleji tavat adre me thu anyik musi: ödra me lakamödra adre hia but ânyâ hwakecin ae kong könya ke ne o but hnyi bong ang.

Ezekiela 36:32

Oge ca ânyâ e can öbun, e so öbun e tremângâ e, haingen Than Iehova: hamöbun he ka hmehma me hlohlo can ta je hwakecibun, lap anyi Isaraela.

Ezekiela 44:13

Ke adre me ca he ka hakekeny könya, he ka ânyâ hanymen at bihut könya, me he ka hakekenyâ hnok je hna okabâ, ka ta je ûnyi ae ti kap, ke ame he ka takû ödra anyidra hmehma, me ta je ûnyi ae ikiki adre hia but ânyâ.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Zefania 1:17

Ke oge me he ka ovecâ tavat, mʼ adre me he ka he helâ me je wadröu, anyin adre hia but ânyâ hulö kö Iehova: ke adre me he ka hingâlâ drö-dra helâ me sesâ, me utioidra minya helâ me tatet.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Owisa 2:2

ke haba öbun mʼ öbun e ca he bi ka uhihinyköu me aten hnyei ang; kʼ öbun e he ka kia anyidrin je taben hut: ke so bi öbun e ca long hok hofuc: ieû gabun inʼ öbun e ânyâ helâe?