Jeremia 3:24 - Iaai Bible 1901 (New Caledonia)

²⁴ Ke haba hna hmehman ame ohia huliwa anyin lakamöta hwân kʼ öta tiga hidröu; wale haledra je hnahat mamoe me kau, je lakudra obaga me wahlu.

Jeremia 3:24 ပူးပေါင်းရင်းမြစ်များ

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 44:7

Anyin a wale, walang hna ha hnö; Iehova, Khongon sabaoth, Khongu Isaraela, ka habe, Anyin a ieû öbun e ânyâ hulo ae gan hmâ eang me hnân jönibun bi, he ka subâ degeci öbun bi obaga me omomo, me je mendreng, me wanakat ame i, ûnyi hnyi wanben Juda, me me ba but kolon gabun;

Jeremia 8:16

Ame o but ûheny Dana hwan hna menâ hwege hnen haleny je hors: ame tha öbubuny hnyei hnyi ûkukuiny anyin tavat hwege, ke adre me o me an hnyei me ta je ûnyi hia hnyin: taun me tavat adre me labā e.

Jeremia 9:18

mʼ adre me ie tenge thungaû gata, me me hingölö je deköiö hnyi je emaköta, me khukhula köiö ûnyi hnyi je bademaköta.

Ezekiela 16:19

Ke haba jeû oge me ham köu, wale falawa me wakaco me hani, waleji oge me ham me âm, me u je ip hnyi hnyimaködrin, me hnân bo so, ke e hnathu e; haingen Than Iehova.

Ezekiela 16:20

Ke haba khaca, u je hia but hom lakom obaga me wahlu, waleji u je hnoko hobi könya, me hudi ödra ködrin me hnân ö ʼdrin. Hawa, ûnyi ae ûhnyûkong hnâm je hna bi ûnyi monu,

Ezekiela 16:61

Me u me be bi ka ûnykûme je hwakecâm me hmehma, u ka he ka kap je liamekeiny möu, wale je atö me je wakeiat: ke oge me he ka ham ödra köu hnân lakom, ke ca hoton bi ânyâm ûhihinyköu.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Hosea 10:6

Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö.

Hosea 2:8

Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.