Jeremia 3:22 - Iaai Bible 1901 (New Caledonia)

²² Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 3:22 ပူးပေါင်းရင်းမြစ်များ

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 27:8

Hnyi tulut, hnyi ûen u je obâ e, u je oû e; e ame hia but hom e ge ang ae hwege hnyi bonginy ang hwei.

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 31:18

E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Ezekiela 18:30

Anyin a wale, lap anyi Isaraela lö, oge me he ka ve bi hwaban köbun hoton je hwakecibun, haingen Than Iehova. Hmetu ju, ke hmetu ju öbun ûnyi hnyi anyibun ta je hulo; me me ca he hulo ka hângʼ öbun.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.