Jeremia 3:21 - Iaai Bible 1901 (New Caledonia)

²¹ Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Jeremia 3:21 ပူးပေါင်းရင်းမြစ်များ

Jobu 33:27

E ame khumöng hnyi hnyimakan tavat, ka habe, Oge hia but ânyâ hulö, me hanyâûâ ûnyi ae wisa, Ke ba troban könya:

Ta je Vejec 10:9

Haba at ame vheno wisa, me ame he khötkic: Ke ame he ka manen at ame ohwalö deny ta je gethen.

Ta je Vejec 19:3

Haba hwen monu anyin at, me ame ohwalö deny gethen; Ke ame hmonyin hnyekon ko Iehova.

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 13:25

Walang hna khenâ köu, jekhom adre tuluto köu ûnyi gak, haingö Iehova; anyin a u je hnying nya me labageju ka hnyi thoi.

Jeremia 18:15

Anyin adre hnying nya lakeik, adre hia? but leû utö ae bo so ka ûnyi ae ba onyen; ke adre hia but ohaû ödra bi hnyi dedra je gethen, a je gethen kâû adrem, he ka he hnyi je ong gethen, adre ca okhibö goranyai;

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 3:2

Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Ezekiela 23:35

Anyin a wale, walang hna ha hnen Than Iehova, ka habe, Anyin a u je hia but hnying nya, me kunö nya ka hnyi hotom, anyin a wale ame he ka tabö u hwakecâm ae ikiki me ânyâm bi ûnyi monu.

Ezekiela 7:16

Ke haba tavat adre me kec gadra, me adre me he ka kec möt, kʼ adre me he ka helâ me je hinyin hnyigöulen bucen, kʼ adre me he ka ve tenge hon je bucen can hwakecidra.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 8:14

Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.

Mika 3:9

Ö öbun long ju ang, öbun je at hnathuiny lap anyi Jekob, ke tavat owisa ka lap anyi Isaraela, tavat hûkotiâ hna owisa, me ohwalö ta je ûnyi hia ae ûcû.

Numera 22:32

Ke haba angela anyi Iehova ame ha kâu ka habe, Ieû gam u me okun kot halem asina? wâ bi, oge me he jem he ka ovheli u, anyin ae kong könya ûhem:

II. Korinito 7:10

Anyin a haba hmak hnyok ae ûcû ka Khong, me wale at ame okûâ ietra ke ne o but ka hnyi möt, haba ietra eling, me ca hnân ietra hmetu: ke haba hmak hnyok ûnyi eang hmeledrany ame okûâ mok.