Jeremia 3:2 - Iaai Bible 1901 (New Caledonia)

² Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Jeremia 3:2 ပူးပေါင်းရင်းမြစ်များ

Genese 38:14

Ke e ame uny jut je ûkhaûen safac, me tube e hnen mano hnân tubi hayimak, me khaû, me e ame laba ju hnyi homagöule e Enaima hnyi gethen he Timenatha ai; anyin a e ame wâ a ga gan dut Sela, kʼ adre ca ham kâu me me âiân.

I. Je Than 11:3

Ke e hu gan seven haded je âiân, je momo than, ke kun ta haded anyin je momo: ke ame wia thö hnyekon hnen je âiân.

II. Je Than 23:13

Ke haba je dok ae görany cicö Jerusalema hnyi ke keihen metân buceniny hnaûhango, waleji a ânyâ Solomona than Isaraela hobi kö Aseira ûnyi ae ikiki anyin at Zidona, me hobi kö Kemosa ûnyi ae ikiki anyin at Moaba, me hobi kö Milekoma ûnyi ae ikiki anyin je laku Amona, me haba than ame oikikiâ.

Salamo 106:38

Me hingâlâ dra ae ba hnyikongon wale dren lakudra obaga me wahlu, Waleji adre hudo ka ta je idolainy hnyei Kanana; Me ame kong ut hnyei ge dra,

Ta je Vejec 23:28

Eke, e ame mokut duöng helâ me at venöu, Me bihanen ka tavat iyawo, unyin tavat.

Ta je Vejec 7:11

A momo ae fuc bebehu, ke beânyâ weny; Kʼ ame ca laba li can hnyi hnyaban:

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 2:7

Ke oge me hum öbun ka hnyi hnyei ae hu jeûiuy, he ka an wan me soiny; ke öbun e o but me oikikiâ ik hnyei, me wia lakeik me me ûnyi ae ikiki.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:21

Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Jeremia 3:9

Ke can ame hâhâ kâu he ka bi ûnyi monu, me ame ikiki but hnyei, ke e ame bi ûnyi monu me je veto, me hnyiban je utö.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Ezekiela 16:16

Ke u je hom ânyâm ke je ûkhaû me ânyâ hobi kâu je dok ae gorany ae ve bongon bi, me bi ûnyi monu eling: ame ca he ka o but ta je ûnyi helâe, kʼ ame ca he hmetu ka helâe.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Luka 16:23

Ke e ame vec hnyi Hedis, me bwele goranyai, me ame ō Aberahama hnyi dok ae sâkâû, me Lazaro minya hyni ûlainy.

Deuteronomi 12:2

Öbun e be ka ti ohia ta je dok hia adre me bi athnyabainy hnyin je khongudrin hnyi je hnyei öbun e he ka hu, walʼ ethö hon je bucen ae beû, me je dok ae görany, me hmelen je ûö hia ae hat: