Jeremia 3:17 - Iaai Bible 1901 (New Caledonia)

¹⁷ Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 3:17 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

I. Je Than 8:41

Ke haba atkanyua a ca hanen bi lakem a Isaraela, ke e ka o ûheny hnyi hnyei ae sâkâû ge iâm;

Salamo 102:23

E ame oûhnyûkongoâ hwegiök hnyi gethen; E ame owakhaletâ bonguk ta je bong.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Salamo 87:3

Taun anyin Khong lö, Adre me ha ta je hofuc ae hmanenang gam. [Sela.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 56:6

Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 6:1

HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Jeremia 11:8

Ke adre me ca löng me tevehlöng, ke so bi, adre me ve vheno hwegien je hnyekudra bi ae kong: anyin a wale, oge me oâ kodra ta je hofucin ûhihinyköu hia eang, waleji, oge hûna kodra he ka ânyâ, ke adre me ca ânyâ bi.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 17:12

Theron ae hmanenang me gorany ûnyi hnyi hwân, wale hnen anyita dok ae kap.

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Ezekiela 1:26

Ke e hnyi hon unyin ae lau ae hnyi hon je bodrin ke ûnyi helâ me theron, helâ me veto safairo; ke ethö hon ûnyi helâ me theron me hu bongon helâ me bongon at ethö hon e.

Ezekiela 43:7

Ke e ame ha könya, ka habe, Nokon at lö, walang hnen anyik theron, me hnen li hnyeûcak, wale oge me he ka laba hnyin unyin je lakon Isaraela nyiela balua: ke ame ca he hmetu lap anyi Isaraela ka okongoâ iök ae kap, ödra, me latuhödra, hnen anyidra bi ûnyi monu, me hnen unyin latuhödra ae mok hnyi anyidra je dok ae gorany;

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Numera 15:39

ke wale bâbuen köbun, mʼ öbun e he ka wâ e me ûnykûme ta je hnanyibu anyi Iehova hia, me vheno; mʼ öbun e ca he monu hoton je hnyekubun me je li emaköbun, waleji öbun e labö bi ûnyi monu hoton:

Roma 1:21

anyin a khanʼ ödra but Khong, ke adre me ca ogânâ bi, e me ûcû me Khong, ke adre me ca oleâ minya bi; ke adre me omonoâ je ûnykûmenödra, me ölidrâ je hnyekudra ae kong.

Roma 6:14

Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.

Galatia 4:26

Ke haba Jerusalema ethö me ame he baû, wale hinyöta.

Deuteronomi 29:29

E unyi Iehova Khonguta ta je ûnyi ae iyong: ke haba ta je ûnyi ae manen, me e unyita me lakuta nyiele balua, mʼ ate me he ka ânyâ ta je hofucin hia hnanyibu ang.

Owisa 2:19

Ke a mokcu at owisa, me Ödrin e hmetu me okongu ödrin bi hon hwakecin lakamödra me hnu hoton je khong me bi athnyabaidrin me khudrung ködrin; ke adre me ca degec anyidrin je huliwa me hwakecidrin ae ûjöng.