Jeremia 3:12 - Iaai Bible 1901 (New Caledonia)

¹² He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 3:12 ပူးပေါင်းရင်းမြစ်များ

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 17:23

ke ne o but Iehova ame hom Isaraela but ûnyi hnyi hnyimakan, helâ me hnen hna ha a deny je athnyabainy hia a ta je perofeta. Me adre me hom at Isaraela ûnyi hnyi idrin hnyei Asuria ai, ke ne o but hnyi bong ang.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

II. Je Than 18:1

KE haba hnyi huna a kuni Hosea nöku Ela than Isaraela me ame hwân Hezekia nöku Ahaza than Juda he ka than.

II. Man Ûlabainy Je Than. 29:10

Ke walang ang ame mokut eû hnyi hnyekuk he ka ânyâ ke ûhihinyköu me Iehova, Khongon Isaraela, me me he ka hia but gatin anyin hmonyin ae gan hmâ.

II. Man Ûlabainy Je Than. 30:9

Anyin a öbun e ne hwio hmetu ju kö Iehova, me ame he je liamekeiny möbun me lakubun ka wâ betenge hnyi hnyimakan tavat adre me hum ödrin a je hwenbâ, me ödrin e he ka hmetuhmetu ka hnyi hnyei ang: anyin a haba Iehova, me, at ae so me at betenge, at ame ca he ka hwio hnyimakan gabun öbun e ne hmetu kâu.

Salamo 103:17

Ke hwân adrem balua ke ne o but nyiele balua ibetengiö anyi Iehova ka tavat adre me outen e, Ke e bi hwakecin ae wisa ka lakon ta je lakon;

Salamo 103:8

E unöngötö Iehova ge ibetengiö me betenge ae menyik, Ke bec he ka hmonyin, ke gan hmâ anyin betenge.

Salamo 103:9

E ame ca he balua ka labö thawâ; Ke haba khaca, e ame ca he ka kât hmâ anyin hmonyin nyiele balua.

Salamo 145:8

E betenge baû me betenge vec Iehova; E bec he ka hmönyin, ke betenge gan hmâ.

Salamo 79:5

Iehova lö, ke ne o but kehö, u me he bala ka hmönyin? Ame he ânyâm ciâ ka ubâhlâ helâ me meic?

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Jeremia 11:6

Haba Iehova ame ha könya, ka habe, Khetâ thö ta je hofuc hia thithö ang hnyi ta je tauniny Juda, me je gethen hnyi Jerusalema me ha, ka habe, Löng ju öbun je hofucin ûhihinyköu ang, me ânyâ.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 23:8

ke so bi, Kia inya Iehova at ame su je mâtrâniny lap anyû Isaraela ûnyi hnyi hnyei hnyi hwadro, me ûnyi hnyi je hnyei waleji oge obʼ dra ka hnyin: me adre me he ka labā idra bi.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 3:5

Hawa, e ame he bala ka hmonyin? me tuö e ke ne o but obiny? Wâ bi, u je hia but ha me ânyâ ta je ûnyi ae kong me ânyâ wem bi.

Jeremia 3:7

Ke oge me ha hwaban hnen hna ânyâ ta je ûnyi eling, ka habe, E ame he ka hmetu könya; ke e ame ca hmetu: ke a wâ but ûnyi e hnen liamekeiny më, jia Juda at iyawo.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 31:21

Otilâ thö hobi köu je haten gethen, konâm ju hobi köu je utö hnân kû gethen; hnyok ju ka hna cit gethen, waleji gethen u me he hnyin: hluiny Isaraela lö, hmetu ju, hmetu ju kââng ka hnyi ânyâm taun.

Jeremia 31:8

Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Je tenge anyi Jeremi 3:22

Iehova ame betenge, waleling me ca hiʼ ota, anyin ame ca um bi anyin ibetengiö.

Ezekiela 11:17

Anyin a wale ha thö, ka habe, Walang hna ha hnen Than Iehova, ka habe, Oge me he ka hum öbun ûnyi hnyi je hnyei, me ûkhacaköu öbun ûnyi hnyi je hnyei waleji adre ovesei öbun ka hnyin, ke oge me he ka ham köbun hnyei Isaraela.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 39:25

Anyin a wale, walang hna ha hnen Than Iehova, ka habe, Oge me he walang ang ka ohmetu Jekob ûheny hnyi hna bâ, me betenge hia ge lap anyi Isaraela; me oge me he bi nya ka ciâ can iök ae kap.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Levitiko 26:40

Ke odrin e he ka ha manenâ hwakecidrin ae kong anyin je lakamödrin hnyi anyidrin monu adre monu könya, ke can minya odrin e hna degeci nya,

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Deuteronomi 30:2

ke u me he ka hmetu kö Iehova Khongom, me löng hoton hwan hofuc helâ me ta je ûnyi hia oge me hûna köu hnyi bong ang, a u me lakom, tha e me hnyekom ae bekhöt, me hanom ae bekhöt: