Jeremia 3:10 - Iaai Bible 1901 (New Caledonia)

¹⁰ Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 3:10 ပူးပေါင်းရင်းမြစ်များ

II. Man Ûlabainy Je Than. 34:33

Ke haba Josea ame ohia ta je ûnyi ae ikiki hnyi ta je hnyei iny lakon Isaraela, kʼ ame musi ödrin hia adre me wâ hnyi Isaraela he ka bi athnyaba, wale he ka bi athnyabai Iehova Khongudrin. Ke haba hnyi bongon je bong hia ödrin e ca saû, kʼ ödrin e hnu hotu Iehova, Khongon lakamödrin.

Salamo 18:44

Adre me he ka long me ie long hotuk: Kʼ ame he je atkanyua ka nom könya.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 12:2

U je hia but te ödra, eke, e hu iwân gadra; adre me kû, eke, adre me wa wan; u hakekeny hnyi je hnyimödra, ke sâkâû hnyi je ûnykûmenödra.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Amosa 4:9

Oge hia but kuc öbun ge meleca me löhau: ke haba wahamon ame an hnyiganiny ibun ta hnyei, me ibun je hnyei vine, me halebun je meta, me halebun je elaio: ke so bi öbun e ca hmetu könya haingo Iehova.

Malaki 2:11

Juda ame hia but iyawö, ke adre ânyâ ûnyi ae ikiki hnyi Isaraela me Jerusalema; anyin a hia but Juda okongoâ ûnyi ae kap waleji e ame hnyok kâu, me hom hlu nokon khong kanyua me âiân.