Jeremia 3:1 - Iaai Bible 1901 (New Caledonia)

¹ HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:1 ပူးပေါင်းရင်းမြစ်များ

Salamo 106:38

Me hingâlâ dra ae ba hnyikongon wale dren lakudra obaga me wahlu, Waleji adre hudo ka ta je idolainy hnyei Kanana; Me ame kong ut hnyei ge dra,

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 2:7

Ke oge me hum öbun ka hnyi hnyei ae hu jeûiuy, he ka an wan me soiny; ke öbun e o but me oikikiâ ik hnyei, me wia lakeik me me ûnyi ae ikiki.

Jeremia 22:20

Ölö thö Lebanona ai me hongot; ke hongot dö goranyai hnyi Basana: me hongot hnyi Abarima; anyin adre hia but ohia je oûnykûmâm.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 3:9

Ke can ame hâhâ kâu he ka bi ûnyi monu, me ame ikiki but hnyei, ke e ame bi ûnyi monu me je veto, me hnyiban je utö.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Ezekiela 16:26

Ke u je hia but bi ûnyi monu me tavat Aigupito, tavat adre me laba hakekenyi u, tavat ae gan hmaidro; ke u je hia but osehia hnâm je hna bi ûnyi monu, me ohmö-nyini nya.

Ezekiela 16:30

Nakaem ge sënyin hnyi hnyekom, haingen Than; Iehova, anyin u me ânyâ ta je ûnyi hia eling, huliwa anyin momo ae hwege hnyimen, at ame bi ûnyi monu;

Ezekiela 16:35

Anyin a wale, momo hnyi gethen lö, long je hofuc ho Iehova:

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Mika 2:10

Todrʼ öbun, ke he thö; anyin ae ba hna menâ köbun eang: can ûnyi ae kong, at ame ohia, wale at ame ti ohia.

Zakaria 1:3

Anyin a wale ha thö kodra, ka habe, Walang hna ha hnö Iehova tuhan sabaoth ka habe, Hmetu ju könya, me oge me he bi nya ka hmetu köbun, haingö Iehova tuhan sabaoth.

Mataio 5:31

Adre me ha minya ehac, ka habe, Haba at ame degec âiân, e so e ame he ka ham tusiny thang hna faipoipo:

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Owisa 19:2

Ke ame bi unyi monu anyin momo, me kec gan ka hnyi hnyaban kamen hnyi Bethe-leema-juda, me e ame laba eling vak ta tehi.