Jeremia 29:8 - Iaai Bible 1901 (New Caledonia)

⁸ Anyin a walang hna ha hnö Iehova tuhan sabaoth, Khongu Isaraela, ka habe, E so he ka ca omonu öbun ge anyibun je perofeta a ödra unyibun, me anyibun tavat bi khong, ke ca long öbun ka ta je bwi, waleji adre bwo hobi köbun.

Jeremia 29:8 ပူးပေါင်းရင်းမြစ်များ

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:16

Walang hna ha hnö Iehova tuhan sabaoth, ka habe, Ca long ta je hofuc hwan ta je perofeta adre me perofeta köbun; adre me ûnö köbun ta je ûnyi baû bi; adre me ha hna omanenâ ûnyi eû hnyi hnyekudra bi, ke ca ûnyi bi hnyi hnyimö Iehova.

Jeremia 23:21

Oge ca kunâ je perofeta e, ke so bi, adre me wadring: oge ca fuc kodra, ke so bi, adre me perofeta.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 23:27

Tavat adre me ûnykûme he ka ohnyingâ lakeik wale ge iök hnen je bwidra, wale adre me ve ha ka lahanödra, helâji me hnen lakamödra hna hnying iök ga Baala.

Jeremia 27:9

Ke haba Öbun ca löng bi ka anyibun je perofeta, me anyibun tavat bi khong, me anyibun tavat bwi, me anyibun tavat bihihwakecin, me anyibun tavat tren khong, tavat adre me fuc köbun me ha, ka habe, Ca he öbun ka bi athnyabainy than Babulona:

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 29:1

WALANG onyen tusi wale a kunâ Jeremia perofeta ûheny Jerusalema ka ta je kolon wale a wahingatiny je bâ, me tavat bihut, me ta je perofeta, me tavat hia, waleji hnö Nebukaneza hna hom ûheny Jerusalema Babulona ai:

Jeremia 29:15

Anyin a öbun e hia but ha, ka habe, Haba Iehova ame hia but oâ hobi köta hnyi Babulona ta je perofeta.

Jeremia 29:21

Walang hna ha hnö Iehova tuhan sabaoth, Khongu Isaraela, ga Ahaba nöku Kolaia, me Zedekia nöku Maseia li at ödru me perofeta thoi köbun hnyi iök, ka habe, Wâ bi, oge me he ka hnʼ ödru ka hnyi hnyamö Nebukaneza than Babulona, ke e ame he ka hlingʼ ödru hnyi hnyimaköbun.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 37:9

Walang hna ha hnö Iehova, ka habe, Ca iyawöbun bi me ha, ka habe, E hnathu ame he but gata at Kaledaia: anyin adre me ca he ka he.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Zakaria 13:4

Ke hnyi ûen eling ame he ta je perofeta ka ve hmehma ge hnödra hna wâ, ödra ka perofeta; ke adre me ca he ka khavâ ûkhaû ae hu dinen he ka iyawö:

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Luka 6:26

Ekölö gabun e ka he tavat hia ka haisoi öbun! anyin a helâe hnen lakamödra ka ta je perofeta thoi.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio: