Jeremia 29:18 - Iaai Bible 1901 (New Caledonia)

¹⁸ Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 29:18 ပူးပေါင်းရင်းမြစ်များ

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Jeremia 15:4

Ke oge me he ka hnʼ ödra ka hnyi hlohlo hnyi ta je dökhu hia eang hmeledrany, jöni Manase nöku Hezekia than Juda, can hnen hna ânyâ hnyi Jerusalema.

II. Man Ûlabainy Je Than. 29:8

Anyin a wale e but hon at Juda me Jerusalema hmonyin anyi Iehova, me e ame hia but hnʼ ödrin he ka bwebwet, me hnân lâiâ, me jû, helâ me öbun e wâ ge je li emaköbun.

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Ezekiela 12:15

Ke adre me he ka wâ a inya Iehova, iny ka he ka ovesei, ödra unyin ta je hnyei, me ve obʼ ödra ka hnyi je hnyei.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.

Amosa 9:9

Anyin a wâ bi oge me he ka hûna, ke oge me he ka cubec lap anyi Isaraela unyin je hnyei, helâ me hna degec tiren hwit hnyi taben ûcûbic, ke so bi ame ca he ka kolu ke wan ae ûhnyûkong hnyikânâi.

Ezekiela 36:19

me oge me ovesei ödra unyin ta je hnyei, me adre me obʼ ödra unyin tavat: ke oge me bi hwaban kodra hoton hwakecidra ke hnödra je hna ânyâ.

Ezekiela 22:15

Me oge me he ka ovesei u ka hnyi ta je dokhu, me obö u ka hnyi ta je hnyei; mē oge me he ka ohia hwakecin ae ikiki gam.

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Jeremia 29:22

Ke adre me he ka hom bongon hangâ gadru hnen ta je bâ hia thithö anyin at Juda a ödra hnyi Babulona me ha, ka habe, Ame be Iehova ka wiö u helâ me Zedekia, ke helâ me Ahaba, waleji a thong hnen than Babulona hnyi meic:

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 19:8

Ke oge me he ka wia taun ang hnân kuko me jû; ame he tavat adre me gethen hnyin ka lâiâ me jû, can ta je mok hnyin.

Salamo 44:11

U je hia but hnʼ ohmun helâ me je mamoe hnân ban; Me ovesei ohmun dut hnyi wanben ta je hnyei.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Numera 5:27

Ke e ka hia but habelen momo ge utköiö, ke ame ne monu but momo, kʼ ame ne hia but ânyâ hulö ka âiân, me ame he utköiö at ame ohnaûhangöâ ka dit eû hnyi hnyekon, me me hiny jut, me ame he ka khibi hnyekon, me oavâ jevan: ke ame he ka hnaûhangö momo hnyi wanben iny hnyei.

Deuteronomi 28:37

Ke u me he ka hnân lâiâ, me vejec, me hofuc hluhluma hnyi je hnyei hia ame he Iehova ka lili u ka hnyin.

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 29:17

walang hna ha hnö Iehova tuhan sabaoth, ka habe, Wâ bi, oge me he ka kunâ kodra hele vat, me hmiâ, me mok ae cap, ke oge me he ka wiʼ ödra, mʼ adre me ûcû me wan meta ae kong ke ca hnân bi han, anyin ae kong.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Ezekiela 23:46

Anyin a walang hna ha hnen Than Iehova, ka habe, Oge me he ka oû ködru deö at, me hna he ka oveci ödru me söh.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Jeremia 18:16

me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 24:10

Ke oge me he ka kunâ kodra hele vat, me hmiâ, me mok ae cap, ke ne o but adre me oaûʼ ödra ûnyi hnyi hnyei oge ham kodra me lakamödra.

Ezekiela 5:15

Ke e ame he ka hnân haikongoâ me taben ûhiö me hnân nâ me kuko ka je hnyei igigili u, iny ka he ka bi hwaban köu, hnyi hmonyin me wathethot, me hna û hwegiâ: oge hia but ha, inya Iehova:

Zakaria 8:13

Adre ohnaûhangʼ öbun lap anyi Juda, me lap anyi Isaraela unyin je hnyei, helâe oge me he ka omeli öbun, ke öbun e he ka hnahic: ca ot bi, owhigiâ thö je hnyamöbun.