Jeremia 29:12 - Iaai Bible 1901 (New Caledonia)

¹² Ke öbun e he ka hao nya, me öbun e he ka he me hic könya, me oge me he ka ling öbun.

Jeremia 29:12 ပူးပေါင်းရင်းမြစ်များ

II. Man Ûlabainy Je Than. 33:13

Ke e ame hic kâu; me e ame betenge gan, me long hwan hwakhöû, me ohmeto e Jerusalema ai ka hnyi dokhon dokhu. Me haba Manase ame wahmakhmeto a Iehova thibi Khong.

II. Man Ûlabainy Je Than. 6:38

ödrin e ne hmetu köu ge hnyekudrin ae bekhot me hanudrin ae bekhot hnyi hnyei ödrin e laba hwenbâ hnyin, wale adre lili ödrin me hwenbâ ka hnyin, me hic cicö idrin hnyei, waleji u je ham ka lakamödrin, me taun u je ûca, me uma wale o ge ânyâ hobi kâu iâm:

Jobu 22:27

U me he ka hic kâu, ke e ame he ka ling u; Ke u me he ka hwâdâ ânyâm je hna bi khöbi.

Salamo 10:17

Iehova lö, u je hia but löng weny tavat ae hnyikânâ: U me he ka otilâ hmâ je hnyekudra, u me he ka tevehlöng:

Salamo 145:19

E ame he ka ânyâ weny tavat adre me outen e; E ame he minya ka long hodra hwatenge me omeli odra.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 65:24

Ke ödra ka tiga ca hongot bi, me oge me he bi nya ka ieû: ke ödra ka tiga fuc, me oge me he bi nya ka ling ödra.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Jeremia 50:4

Hnyi je bong eling me ûen e, haingö Iehova, ame he ka o je lakon Isaraela, tha ödra me je lakon Juda, adre me he ka he me tenge tot, me elom Iehova Khongudrin.

Jeremia 51:50

Öbun tavat öbun e kec mot ge hele vat, hele thö, ca tot bi; ûnykûmi Iehova thö ûnyi hnyi dok ae sâkâû, e so e kû Jerusalema eû hnyi je hnyekubun.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.