Jeremia 28:9 - Iaai Bible 1901 (New Caledonia)

⁹ Haba perofeta at ame perofeta hnahic, ke e ka hwâdâ thö hofuc hwan perefota eling, adre me he ka wâhmakhmeto perofeta e a ga kunâ Iehova.

Jeremia 28:9 ပူးပေါင်းရင်းမြစ်များ

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Jeremia 14:13

Me oge me ha, ka habe, Ekölö Than Iehova! wâ bi, Je perofeta adre me ha kodra, ka habe, öbun e ca he ka wâ hele vat, ke öbun e ca he ka hu hmiâ: ke oge me he ka ham köbun eang ûsoköu ae ûnyi hnathu.

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 8:11

Ke adre hia but ometo ûhnyûkongo aat hnân hlu a lakeik me ha, ka habe, Hnahic ut, hnahic ut; ke ba bi hnahic.

Ezekiela 33:33

Ke e ka hwâdâ thö e (ke wâ bi, ame he ka hwâdâ,) me adre me he ka wâ a gʼ ame hu perofeta unyidra.

Deuteronomi 18:21

Ke u je ne he ka ha eû hnyi hnyekom, ka habe, Ohmun e he ka kâmâu hna wâhmakhmeto hofuc a ca ha Iehova?

Deuteronomi 18:22

Haba, e ka he perofeta ka ha hofuc hnyi iö Iehova, kʼ ame ca o bi ûnyi, kʼ ame ca hwâdâ bi, awe, wale hofuc ame ca ha Iehova: ke ame hia but ha e sheshamökâ hnen perofeta, mʼ u me ca he ka outen at e.