Jeremia 28:8 - Iaai Bible 1901 (New Caledonia)

⁸ Haba je perofeta a bödra ehac, ke a bilik bi möu, adre me perofeta ge ta je hnyei ae se hia, me ta je dokhu ae gan, he ka vat, me monu, me mok ae cap.

Jeremia 28:8 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 22:17

Ke haingen, ka habe, Oge wâ but Isaraela hia adre me tot monu hon je bucen, helâ me ta je mamoe ae ba at ame tuö: ke haingö Iehova, ka habe, E ba tuhan tavat ang; hamödrin he ka ve hmetu ka hnyi je hnyabadrin hnyi hnahic.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

Isaia 13:1

HOK honen Babulona, waleji a wâ Isaia nöku Amosa.

Isaia 13:18

Ke ame he anyidra je cafana ka öūo wahidröu; ke adre me ca he ka betenge ge wan hnyok; ame ca he li emaködra ka hna baûâ je wanakat.

Amosa 1:1

WALANG hofuc ho Amosa, wale at ame tha e me tavat tuö omeno hnyi Tekoa, ke walang wâhnen ge at Isaraela hnyi je bong bongu Uzia than Juda, me hnyi je bong bongu Jeroboama nöku Joasa than Isaraela, lo li huna ke tiga hia bi hwioi.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Jona 3:1

KE ame o hmetu hofuc ho Iehova kö Jona hnyi ûen a loiny, ame ha, ka habe,