Jeremia 28:6 - Iaai Bible 1901 (New Caledonia)

⁶ haingö Jeremia perofeta, ka habe, Amen: e na ânyâ helâ ju e Iehova: e na ohwâdâ ju Iehova hwan hofuc, waleji u je perofeta, he ka ohmeto ka hnyi dok ang ta je omjehen uma umö Iehova, me ta je bâ hia ûheny Babulona.

Jeremia 28:6 ပူးပေါင်းရင်းမြစ်များ

I. Je Than 1:36

Me haba Benaia nöku Jehoiada ame thu ka than, me ha, ka habe, Amen: e na helâ ju e hna ha hnö Iehova, Khongon than a tuhok.

I. Man Ûlabainy Je Than. 16:36

E so he ka haisoi Iehova, Khongu Isaraela. Hwan ehac balu ke ne o but nyiele balua. Ke haba tavat hia ödrin e ha, ka habe, Amen, me ogânâ Iehova.

Salamo 106:48

E so he ka haisoi Iehova, Khongu Isaraela, Hwân ehac balua ke ne o but nyiele balua. Ke so ame he tavat hia ka ha, ka habe, Amen. Oganö Ja thʼ öbun.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Salamo 89:52

E so he ka haisoi Iehova thö nyiele balua. Amen, me Amen.

Jeremia 11:5

me inye he ka ohwâdâ ûhihinyköu oge khemanyinâ ka lakamöbun, he ka ham kodra hnyei ame di hnyin debai me hani, helâ me hnyi bong ang. Me oge me thu me ha, ka habe, Iehova lö, Amen.

Jeremia 17:16

Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

Jeremia 18:20

Hawa, adre me he ka bi hwaban so ge kong? anyin adre hia but hiny thop, me inye he ka mok. Ûnykûme ju waleji hnök hna tot hnyi hnyimâkâm he ka khöûâ so hobi kodra, me ohavâ ânyâm hmonyin gadra.

Jeremia 28:3

E ka tiga ca um bi li huna oge me he ka ohmeto ka hnyi dok ang ta je omjehen hia uma umö Iehova, waleji hnö Nebukaneza than Babulona hna hom ûheny ang, me hom Babulona ai:

Zakaria 6:10

Hom dö hanen je bâ ûnyi hnyi lap anyi Heledai, ke Tobija, ke Jedaia; ke so u ma o hnyi bong eling me dit hnyi uma umö Josea nöku Zefania, wale ödrin e o ka hnyin ûhedrin hnyi Babulona;

Numera 5:22

ke haba utköiö eang at ame ohnaûhangöâ ame ke ka dit ka hnyi hnyekom, me okhibö hnyekom, me oavâ jevam: ke ame he momo ka ha, Amen, Amen.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

I. Korinito 14:16

Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha?

II. Korinito 1:20

Anyin a eja ke ne a ne habânâ ta je ûnyi ae ti se hia Khong, me ûnyi thibi gan bi, ka habe, eke: waleling me me ûnyi thibi minya gan Amen, mʼ adre me he ka ogânâ Khong ûnyi gahmun.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 19:4

Ke haba wahingat a twente foa, ke ta ûnyi a vak ae möt, me ödrin e ta ju me khudrung ka Khong at ame tabâ theron, me ha, ka habe, Amen; Haleluya.

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong:

Hna Omanenâ 5:14

Ke haingen vak ta ûnyi ae möt, ka habe, Amen. Me ame ta ju wahingat me khudrung.