Jeremia 28:11 - Iaai Bible 1901 (New Caledonia)

¹¹ Ke haba Hanania ame ha hnyi hnyimakan tavat hia, ka habe, Walang hna ha hnö Iehova, ka habe, Helâe oge me he ka thamuâ hna ûhûkâlâköuâ anyi Nebukaneza than Babulona ûnyi hnyi hon nyin ta je hnyei hia, ke tiga ca um bi li huna. Ke haba Jeremia perofeta ame he but.

Jeremia 28:11 ပူးပေါင်းရင်းမြစ်များ

I. Je Than 13:18

Ke haingen kâu, ka habe, Inya ang ke perofeta helâ möu; ke haba angela ame ha könya hnyi hofuc ho Iehova, ka habe, Ohmeto ju e ka hnyi umâm uma, me me han areto me ijem köiö. Ke e ame thoi kâu.

I. Je Than 22:6

Me haba than Isaraela ame ûkhacaköuâ ta je perofeta, helâ me foa haded, me ha ködrin, ka habe, Hawa, oge me he ka he Ramothe-gileada ai he ka vat, oge ma hna ju? Haingödrin, ka habe, He thö anyin a ame he Iehova ka hna e ka hnyi hnyamen than.

II. Man Ûlabainy Je Than. 18:10

Ke haba Zedekia nöku Kenaana ame ânyâ li faoiny meno a fao bi, me ha, ka habe, Walang hna ha hnö Iehova, ka habe, U me he ka hagutâ at Suria ge li ûnyi ang ke ne o but ame hiʼ ödra bi.

Ta je Vejec 14:7

U je ne he hnyi hnyimakan at ae monu, Me u me ca he ka wâ unyin bi li esongot ae wâ ûnykûme.

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 29:9

Anyin adre me perofeta thoi köbun hnyi iök: oge ca kunʼ ödra, haingö Iehova.

Ezekiela 13:7

Hawa, öbun e ca wâ hna omanenâ ae ûnyi baû, me bi khong thoi, anyin öbun e ha, ka habe, Hö Iehova; ke so bi oge ca fuc bi?