Jeremia 28:1 - Iaai Bible 1901 (New Caledonia)

¹ KE haba hnyi huna eling, hnyi hwâniny musi a Zedekia than Juda, hnyi huna a vakiny, hnyi tehi a thabûnginy, me ame fuc könya Hanania nöku Azura perofeta at ûheny Gibeona, hnyi uma umö Iehova hnyi hnyimakan tavat bihut me tavat hia, ka habe,

Jeremia 28:1 ပူးပေါင်းရင်းမြစ်များ

I. Je Than 3:4

Ke haba than ame he Gibeona ai he ka bi hut eling; anyin a haba wale dok ae görany ke gan bi: khaca thauzan je hudiny leû ame hudo eling Solomona hon taben hut.

II. Je Than 24:18

Twente wan dut je hunai Zedekia hnyi ûen e ame hwân ka than; ke e ame musi hnyi Jerusalema hnyi eleven je huna: ke haba ien hinyen me Hamutala nöku Jeremia at Libena.

II. Man Ûlabainy Je Than. 36:11

Twente wan but je hunai Zedekia hnyi ûen e ame hwân ka than; ke e ame musi hnyi Jerusalema hnyi eleven je huna:

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Jeremia 27:1

HABA hnyi hna hwân musi a Jehoiakima nöku Josea, than Juda, ame o but hofuc ang ûnyi ga Iehova kö Jeremia, ka habe,

Jeremia 27:12

Me oge me ha kö Zedekia than Juda helâ me ta je hofuc hia eling, ka habe, Hna but je nyibun ka hnyi hna ûhûkâlâköuâ anyin than Babulona, me bi athnyabainy, me iny hnyei me öbun e mot.

Jeremia 27:3

ke kunâ thö ta je ûnyi e ka than Edoma, me than Moaba, me thaniny je laku Amona, me thaniny Turo, me thaniny Zidona, a deny je ûthumetu tavat adre me o hnyi Jerusalema kö Zedekia than Juda;

Jeremia 28:11

Ke haba Hanania ame ha hnyi hnyimakan tavat hia, ka habe, Walang hna ha hnö Iehova, ka habe, Helâe oge me he ka thamuâ hna ûhûkâlâköuâ anyi Nebukaneza than Babulona ûnyi hnyi hon nyin ta je hnyei hia, ke tiga ca um bi li huna. Ke haba Jeremia perofeta ame he but.

Jeremia 28:17

Me ame mokcu Hanania perofeta hnyi huna eling, hnyi tehi a seveniny.

Jeremia 28:5

Me haba Jeremia perofeta ame ha kö Hanania perofeta hnyi hnyimakan tavat bihut, me tavat hia adre me ûtitilen hnyi uma umö Iehova,

Jeremia 29:15

Anyin a öbun e hia but ha, ka habe, Haba Iehova ame hia but oâ hobi köta hnyi Babulona ta je perofeta.

Jeremia 36:12

me e ame utut ka hnyi uma umen than, ka hnyi hnyeuleny at sihnalimen: ke wâ bi, ta je taben hia adre me laba eling, wale Elisama at sihnalimen, me Delaia nöku Semaia, me Elenathana nöku Akebora, me Gemaria nöku Safana, me Zedekia nöku Hanania, me je taben hia.

Jeremia 37:13

Ke hnyi ûen e ame o hnyi homagouleny at Beniamina, e bi ling ke taben tavat tue, Iria ien, nöku Selemia, nöku Hanania; me e ame kuc Jeremia perofeta, me ha, ka habe, U me utut ka at Kaledaia.

Jeremia 37:19

Ke ewa anyibun je perofeta adre me perofeta köbun me ha, ka habe, Ame ca he than Babulona ka o köbun, me hnyei ang?

Jeremia 49:34

Hofuc ho Iehova ame o but kö Jeremia profeta ge Elama, hnyi hna hwân musi a Zedekia than Juda, ka habe,

Jeremia 51:59

Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Hosea 7:3

Adre me osenyinâ than ge anyidra bi monu, me je taben hnen anyidra je thoi.

Josua 10:12

Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

Josua 9:3

Ke a long at Gibeona ûnyi a ânyâ Josua ka Jeriko me Ai,