Jeremia 27:9 - Iaai Bible 1901 (New Caledonia)

⁹ Ke haba Öbun ca löng bi ka anyibun je perofeta, me anyibun tavat bi khong, me anyibun tavat bwi, me anyibun tavat bihihwakecin, me anyibun tavat tren khong, tavat adre me fuc köbun me ha, ka habe, Ca he öbun ka bi athnyabainy than Babulona:

Jeremia 27:9 ပူးပေါင်းရင်းမြစ်များ

Esodo 22:18

U ma ca he ka hna but momo ae tren khong he ka möt.

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Ta je Vejec 19:27

Nokuk lö, soju long hwa ûne U ka he ka labö omono thibut je ifucin wâ ûnykûme.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:16

Walang hna ha hnö Iehova tuhan sabaoth, ka habe, Ca long ta je hofuc hwan ta je perofeta adre me perofeta köbun; adre me ûnö köbun ta je ûnyi baû bi; adre me ha hna omanenâ ûnyi eû hnyi hnyekudra bi, ke ca ûnyi bi hnyi hnyimö Iehova.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 29:8

Anyin a walang hna ha hnö Iehova tuhan sabaoth, Khongu Isaraela, ka habe, E so he ka ca omonu öbun ge anyibun je perofeta a ödra unyibun, me anyibun tavat bi khong, ke ca long öbun ka ta je bwi, waleji adre bwo hobi köbun.

Ezekiela 21:29

Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

Daniela 4:7

Me ame o könya ta je magoi, ke tavat bihihwakecin, ke at Kaledaia, ke tavat tren khong: me oge me ha bwi hnyi hnyimakodra; ke adre me ca omanenâ könya bongon.

Mika 3:7

Ke ame he ka hmehma tavat wâ, me hlohlo tavat bi khong; eke, adre me he ka tube je esongodidra: anyin ae ba hofuc hwan Khong.

Zakaria 10:2

Anyina a hia but ha thoi je idola, ke haba tavat bi khong adre hia but wâ thoi; ke adre hia but ha je bwi ae thoi, e ûnyi baû bi hnödra hna otubwelâ: anyin a wale adre me vheno je dedra helâ me je mamoe, adre me vec anyin ae ba at ame tuʼ ödra.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Ta je huliwa 8:11

Ke adre me kap e anyin ae beû hnen hna olaiʼ ödra ge anyin bihihwakecin.

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Deuteronomi 13:2

ke e ka hwâdâ thö haten, ame ne ûnyi hnân lâiâ, waleji e ame ha köu, ame ha, ka habe, Ötin e he ka hnu hoton ke je khong ae ca khanö u, me bi athnyabaidrin:

Deuteronomi 18:14

Amyin a haba je hnyei eling u me he ka hu, me, adre me löng hoton tavat bihihwakecin, me tavat bi khong: ke haba u, me Iehova Khongom ame ca hnö u he ka helâe.

Josua 13:22

Balaama minya nöku Beora, at ame bi khong, ame mokut unyin je komok a hlingâ hnen lakon Isaraela ge hele vat.

Hna Omanenâ 18:23

ke ame ca he hmetu ka umumelam hnyi wanbâm bâhlân lamepa; ke adre me ca he hmetu ka löng hnyi wanbâm ifucin li at ödre tep faipoipo: anyin a haba tavat ûcû unyâm, me ödrin e beönua hnyi hmeledrany: ke adre me omonoâ ta je hnyei hia ge ânyâm je bihihwakecin.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Hna Omanenâ 9:21

ke adre me ca ietra ge hnödra hna ûhlingö, me bi khong, me bi ûnyi monu, me venöu.