Jeremia 27:6 - Iaai Bible 1901 (New Caledonia)

⁶ Ke walang ang oge hia but ham je hnyei ang kö Nebukaneza than Babulona, athnyabaik; ke haba khaca oge hia but ham kâu je menoiny hnyot hnân bi athnyabainy.

Jeremia 27:6 ပူးပေါင်းရင်းမြစ်များ

II. Je Than 25:28

me e ame ha kâu hofuc ae menyik, me e ame ogöranyâ anyin theron hon je theron anyin ta je than a hnyat ödrin e tha laba mē hnyi Babulona.

II. Man Ûlabainy Je Than. 36:23

Walang hna ha hnö Koreso than Peresi, ka habe, Haba Iehova Khongon drany ame hia but ham könya ta je dokhu hia thithö eang hmeledrany; ke e ame hia but hûna könya he ka op ke uma hobi kâu hnyi Jerusalema, wale hnyi hnyei Juda. Haba tavat hia unyibun a hanen je lakeiny hia, e so e ame he thö kâe, me ame he Iehova a Khongon ka tha e mē.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 22:25

me oge me he ka hnö u ka hnyi hnyamen tavat adre me elâm he ka hlingö u, me ka hnyi hnyamen tavat waleji u me outen, wale ka hnyi hnyamö Nebukaneza than Babulona, me ka hnyi hnyamen at Kaledaia.

Jeremia 24:1

HABA Iehova ame omanenâ könya, ke wâ bi, li tang meta adre ip hnyi hnyimakan uma umö Iehova: hnyi ûen Nebukaneza than Babulona ame hia but hum Jekonia nöku Jehoiakima than Juda, me je taben hnyi Juda, me tavat huliwa me tavat leû fao, ûhedra Jerusalema, me hum ödra Babulona ai.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 28:14

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but ip hna ûhûkâlâköuâ a fao hon nyin ta je hnyei hia eling, mʼ adre me he ka bi athnyabai Nebukaneza than Babulona: ke adre me he bi ka bi athnyabainy: ke oge hia but ham kâu minya je menoiny hnyot.

Jeremia 43:10

ke ha thö kodra, ka habe, Walang hna ha hnö Iehova tuhan sabaoth Khongu Isaraela, ka habe, Wâ bi, oge me he ka hum Nebukaneza than Babulona athnyabaik, ke oge me he ka otilâ anyin theron hon je veto e waleji oge konâm; ke e ame he ka ulolo anyin imanoiny than hon e.

Jeremia 49:30

Öbun tavat aten Hazora lö, kec dö, he sâkâû ai, laba ju hnyikânâi, haingö Iehova; anyin a hia but ûhnenamö gabun Nebukaneza than Babulona, me ûnykûme hna ânyâ köbun.

Ezekiela 29:12

Ke oge me he ka wia hnyei Aigupito me me wau hnyi wanben je hnyei a wau, ke ame be ka ba aten je tauniny hnyi wanben je taun adre oba wan, ke ne o but hnyi fâte je huna, ke oge me he ka oveseâ at Aigupito ka hnyi je hnyei me obʼ ödra ka hnyi ta je hnyei.

Ezekiela 30:24

Ke oge me he ka ohwegiâ li hnyamen than Babulona, me ham anyik hele vat ka hnyi hnyamen: ke oge me he ka thu li benyi Farao, me e ame he ka mâng hnyi hnyimakan helâ me imânginy tavat adre me kot moko.

Daniela 4:12

Ke e hmanenang je lan, ke se hia je wan, ke hu han hnyin e hobi kâu hia: ke haba ta je menoiny hnyot me adre me tung hmelen, ke haba je meno adre me gâ ethö, me adre me tabâ je anginy, kʼ adre me han ta je ûnyi hia ae möt ûnyi hnyin e.

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.