Jeremia 27:18 - Iaai Bible 1901 (New Caledonia)

¹⁸ Ke adre ne je perofeta, ke a ne e bi unyidra hofuc ho Iehova, e so adre me he walang ang ka khöû kö Iehova tuhan sabaoth, mʼ adre me ca hom Babulona ai ta je kaia a kolon biju a e biju hnyi uma umö Iehova, me hnyi uma umen than Juda me Jerusalema.

Jeremia 27:18 ပူးပေါင်းရင်းမြစ်များ

Genese 20:17

Ke Aberahama ame hic ka Khong: ke Khong ame osoi Abimeleke, me âiân me lathnyabainy omomo; me ödrin e hnokoâ bi.

I. Je Than 18:24

Ke öbun e he ka hawâ ien khongubun, ke oge me he bi nya ka hawâ iö Iehova: ke haba Khong at ame he ka thu ge meie, me wale thibi Khong. Haba tavat hia thithö adre me thu, ka habe, E so hna ha e.

I. Je Than 18:26

Ke ödrin e hom bolok adre ham ködrin, me penapena, me hawâ iö Baala hwân hnyi hnyomakatu ke ne o but jebigö, me ha, ka habe, Baala lö, long ju kohmun. Ke ba hwan, me ba at ame thu. Me ödrin e gâ hon taben hut adre hia but ânyâ.

II. Man Ûlabainy Je Than. 32:20

Anyin a wale haba Hezekia than, me Isaia nöku Amosa perofeta, ödru me hic me tenge hnyi dranyai.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 18:20

Hawa, adre me he ka bi hwaban so ge kong? anyin adre hia but hiny thop, me inye he ka mok. Ûnykûme ju waleji hnök hna tot hnyi hnyimâkâm he ka khöûâ so hobi kodra, me ohavâ ânyâm hmonyin gadra.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Ezekiela 14:14

eja ke ne a ne eling hnyat ang a kun, a Noa, me Daniela, me Jobu, ödrin e he ka ve omeli ödrin bi hake ödrin hnen hwakecidrin ae wisa, haingen Than Iehova.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Malaki 1:9

Ke walang, öbun na he ka sumâtâ thö Khong, me me he ka betenge gata: ke deny öbun ûnyi ang; hawa, e ame ca he ka kop öbun? haingö Iehova tuhan sabaoth.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.

I. Samuela 7:8

Ke haba lakon Isaraela adre me ha kö Samuela, ka habe, U me ca he ka menâ khöûʼ ohmun kö Iehova Khongutin, me me omeli ota ûnyi ge at Filisiti.