Jeremia 27:14 - Iaai Bible 1901 (New Caledonia)

¹⁴ Ke ca löng bi hofuc hwan je perofeta, tavat adre me fuc köbun me ha, ka habe, Öbun e ca he ka bi athnyabainy than Babulona: anyin a ödra adre me perofeta thoi köbun.

Jeremia 27:14 ပူးပေါင်းရင်းမြစ်များ

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:21

Oge ca kunâ je perofeta e, ke so bi, adre me wadring: oge ca fuc kodra, ke so bi, adre me perofeta.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 37:19

Ke ewa anyibun je perofeta adre me perofeta köbun me ha, ka habe, Ame ca he than Babulona ka o köbun, me hnyei ang?

Jeremia 38:22

Wâ bi, adre me he ka hom omomo hia a je kolon hnyi uma umen than Juda ka je taben anyin than Babulona, ke ame he je momo eling ka ha, ka habe, Haba je lawaem adre me iyawo u, ke ame tudra but: a didrut li cam hnyi hmudra, me adre me hmetu but.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Zakaria 10:2

Anyina a hia but ha thoi je idola, ke haba tavat bi khong adre hia but wâ thoi; ke adre hia but ha je bwi ae thoi, e ûnyi baû bi hnödra hna otubwelâ: anyin a wale adre me vheno je dedra helâ me je mamoe, adre me vec anyin ae ba at ame tuʼ ödra.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Filipi 3:2

Wâ eâu ta je kuli, wâ eâu tavat adre me ânyâ monu, wâ eâu katatom:

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.