Jeremia 27:13 - Iaai Bible 1901 (New Caledonia)

¹³ Anyin a ieû öbun e he ka mok, u me lakem ge hele vat, me hmiâ, me mok ae cap, helâji me hna ha ga Iehova ka hnyei ame höcö bi athnyabainy than Babulona?

Jeremia 27:13 ပူးပေါင်းရင်းမြစ်များ

Ta je Vejec 8:36

Ke haba at ame haû bi gak, me e ame okongoâ hanon bi: Ke haba tavat adre me hûkötiö nya, me adre me hnyok mok.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 38:2

Walang hna ha hnö Iehova, ka habe. Haba at ama laba bala bi hnyi taun ang, ame he ka mok ge hele vet, me hmiâ, me mok ae cap: ke haba at ame he ka he ka at Kaledaia, e ame he ka mot biju, ke ame he bi ka jekhon anyin mot, ke e ame he bi ka mot.

Jeremia 38:20

Ke haingö Jeremia, ka habe, Adre me ca he ka hnö u. Ö u löng ju walang ang hofuc ho Iehova, wale oge me ha köu, me me he ka hu so gam, ke u me he minya, ka mot.

Jeremia 38:23

Ke adre me he ka hom je lââiâm me je lakom ka at Kaledaia: ke u me ca he ka kec gadra, anyin ame he ka kot u hnen than Babulona: ke u me he ka thong taun ang ge meic.

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Ezekiela 18:31

Degec ut gabun anyibun ta je hulo hia waleji öbun e ânyâ; ke ânyâ thö hobi köbun hnyok a teb ûnyi me hanu a teb ûnyi: ke anyin a ieû öbun e he ka mok lap anyi Isaraela?

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?