Jeremia 26:8 - Iaai Bible 1901 (New Caledonia)

⁸ Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 26:8 ပူးပေါင်းရင်းမြစ်များ

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Jeremia 1:19

Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 18:23

Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 32:3

Anyin ame ip e Zedekia than Juda hnyi uma ceat me ha, ka habe, Ieû gam u me perofeta me ha, ka habe, Walang hna ha hnö Iehova, ka habe, Wâ bi, oge me he ka hna taun ang ka hnyi hnyamen than Babulona, ke e ame he ka hûgûnâ e;

Jeremia 43:1

KE a um dö Jeremia ha ka tavat hia thithö ta je hofuc ho Iehova Khongudrin, waleji a kunâ më kodra Iehova Khongudrin, wale ta je hofuc hia eling,

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Mataio 22:6

ke haba je kolon adre me kât lathnyabainy, me okongoâ, me hlingâ.

Mataio 27:20

Ke haba je taben tavat bihut me wahingat adre me cubec tavat ae se hia he ka sumâtö Barabasa, mʼ adre me hlingö Iesu.

Ta je huliwa 5:33

Adre hia but long e, me adre me hmönyidra gan hmâ, me behlingʼ ödrin.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Hna Omanenâ 18:24

Ke adre me wâ gan dren ta je perofeta me wakap, me tavat hia adre hia but hlingâ hnyi hmeledrany.