Jeremia 26:21 - Iaai Bible 1901 (New Caledonia)

²¹ Ke haba Jehoiakima than, me anyin tavat hia ae hwege, me anyin je taben hia, adre me long hwan, haba than ame elâm he ka hlingâ e; ke e khanö Uria but, me e ame ot, me kec, me he Aigupito ai:

Jeremia 26:21 ပူးပေါင်းရင်းမြစ်များ

I. Je Than 18:10

Kia inya Iehova Khongom, ae ba hnyei me dökhu, wale a ca ûkhûnöng than ka hnyin he ka elöm u: ke ödrin e ha, ka habe. E hia, me e ame khemanyin me dökhu me hnyei, a ödrin e ca ō u hnyin.

II. Man Ûlabainy Je Than. 16:10

Me ame hmonyin Asa ka at wâ, me ip hnyi uma ceat; anyin a e ame hmonyin kâu can hofuc e. Ke Asa ame ovecâ keihen tavat hnyi ûen eling.

II. Man Ûlabainy Je Than. 24:21

Me ödrin e sihnân, me lûâ e ge veto hnyi hnyeuleny uma umö Iehova hoton musi anyin than.

Salamo 119:109

E bala bi hanuk hnyi hnyamok; Ke oge me ca hnying bi ânyâm hnanyibu.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Jeremia 26:10

Ke a long ut ta je hofuc eling hnen je taben hnyi Juda, me ödrin e he ûhedrin hnyi uma umen than ka hnyi uma umö Iehova, ke ödrin e laba hnyi homagöule ae teb ûnyi gethen ame he ka hnyi uma umö Iehova.

Jeremia 36:26

Ke haba than ame hûna kö Jeramela nokon than, me Seraia nöku Azeriela, me Selemia nöku Abedela he ka hum Baruka at sihnalimen me Jeremia perofeta: ke haba Iehova ame ikhölʼ ödru.

Jeremia 38:4

Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Mataio 10:23

Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 10:39

Haba at ame wâ anyin möt, me ame he ka ohia e; ke haba at ame ohia anyin möt can inya, me ame he ka wâ e.

Mataio 14:5

Me e ame weny ka hlingâ e, kʼ ame outen tavat ae se hia, anyin adre me kap e helâ me perofeta.

Mareko 6:19

Ke ame hmönyi Herodia kâu, me behlingâ e; ke ca khana bi;