Jeremia 26:16 - Iaai Bible 1901 (New Caledonia)

¹⁶ Me ame ha hnen je taben me tavat hia ka tavat bihut me ta je perofeta, ka habe, E ca ûcû bi at ang he ka mok, anyin a e ame fuc köta hnyi iö Iehova Khonguta.

Jeremia 26:16 ပူးပေါင်းရင်းမြစ်များ

Esetera 4:14

Anyin a u je ne laba hnyibû hnyi ûen ang, me ame he ka hu menâ me möt ka at Juda ûnyi hnyi ke dok bi, ke haba u, me lap anyin kâmâm, me, adre me he ka ohia hia: ke khanö ia, hawa, ame ne o but köu dokhu hnân hobi kâu ûen helâng?

Salamo 94:16

Ie at ame he ka tot hobi könya ka tavat adre ânyâ hulo? Ie at ame he ka tot hobi könya ka tavat adre me ânyâ ûnyi ae kong?

Ta je Vejec 16:7

Ame ne osenyini Iehova ge je gethen deny at Me e ame oûsoköuâ e me je iwahnaihmiöny mē.

Jeremia 26:11

Me haba tavat bihut, me je perofeta, adre me ha ka je taben me tavat hia, ka habe, E ûcû but at ang he ka mok, anyin a e ame perofeta ûcon taun ang, helâ me hna long hnen je hnyikönyöbun.

Jeremia 34:10

ke ame ânyâ e hnen je than hia me tavat hia, waleji adre ûhihinyköu he ka ve hna baûâ je athnyabaidra obaga me omomo, mʼ adre me ca he hmetu ka thalu ödra nyiele; adre me hnu hoton, me kunʼ ödra:

Jeremia 36:19

Me haba je taben ödrin e ha kö Baruka, ka habe, He thö ka ikhölö, u me Jeremia, me me ca wâ hnöbu hnen ke at.

Jeremia 36:25

Ke haba khaca, ame khöû ka than ga Elenathana, me Delaia, me Gemaria, me me ca thong tusi, ke ame ca ling ödrin.

Jeremia 37:15

Ke haba je than adre me hmönyidra kö Jeremia, me kot e, me ca e hnyi uma umö Jonathana at sihnalimen: anyin adre me hia but ânyâ e me hnân uma ceat.

Mataio 27:54

Ke haba keneturio, me tavat minya unyin, wale hnyat adre me tuö Iesu, ödrin e wâ hwiöi, ke ta je ûnyi adre me ânyâ, me ödrin e ot gan hmâ, me ha, ka habe, E hnathu Nokon Khong at ang.

Luka 23:41

Ke e wisa hnaûhango a otu, anyin adre bi hwaban kötu e me ûcû me hnötu hna mâdrâ: ke haba at ang, me ba bi monu gan.

Luka 23:47

Ke a wâ but keneturio hna mâdrâ, me e ame haisoâ Khong, me ha, ka habe, E hnathu wale at ae wisa.

Ta je huliwa 23:29

me ame manen könya a gʼ adre bi fuco e hnyi bongon anyidra hnanyibu, ke ba ûnyi adre me ha ae ûcû kâu he ka mok hnyin, me ca bi.

Ta je huliwa 23:9

Me ame kû thö imediököu ae gan, me ame todrö tavat sihnalimen lahien ta je Faresaio, me ha hwegiâ, ka habe, E ba monu ge at ang ohmun e wâ: ke ame ne ha kâu la hnen angela, kʼ ame ne hnen angela, ieû?

Ta je huliwa 25:25

Ke oge me ca wâ ke ûnyi a ânyâ me me ûcû he ka mok: ke so bi e ame hia but hongot ka than tot, weleling me me mou thö hnyekuk he ka kunâ e.