Jeremia 25:9 - Iaai Bible 1901 (New Caledonia)

⁹ Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 25:9 ပူးပေါင်းရင်းမြစ်များ

II. Je Than 24:2

Ka haba Iehova ame kunâ kâu je deo vat anyin at Kaledaia, me je deo vat anyin at Suria, me je deo vat anyin at Moaba, me je deo vat anyin laku Amona, me kunʼ ödrin Juda ai he ka ohia e, helâ me hofuc ho Iehova waleji e ame ha a deny lathnyabainy a je perofeta.

II. Man Ûlabainy Je Than. 29:8

Anyin a wale e but hon at Juda me Jerusalema hmonyin anyi Iehova, me e ame hia but hnʼ ödrin he ka bwebwet, me hnân lâiâ, me jû, helâ me öbun e wâ ge je li emaköbun.

II. Man Ûlabainy Je Than. 36:21

me me hwâdâ hofuc ho Iehova a deny Jeremia, ke ne o but ame bekhot ut ta je sabathiny kânâ: anyin a haba hnyi ta je bong ae ba aten hnyei, me wale bi e sabath, ke ne o but hnyi je huna a sevente.

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

Isaia 10:5

Ekölö ge at Asuria, osöiny anyik hmönyin, ke utöhmu hnyi hnyamen anyik wathethot!

Isaia 13:3

Oge hia but hûna ka anyik wakap, eke, oge hia but hawâ je atök a tavat hwege he ka ohwâdâ anyik hmonyin, a je atök adre me hobâ me bi gan.

Isaia 39:7

Ke haba ke je lakon ame he ka o ûnyi gam, a je mâtrânâm, adre me he ka hom dö; adre me he ka hnân je eunuka hnyi hnyaban than Babulona.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Jeremia 1:14

Ke haba Iehova ame ha könya, ka habe, Ame he ka patrutrua ûnyi ae kong ûheny hnyi hwadro kodra hia thithö tavat adre me labā hnyei.

Jeremia 1:15

Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 18:16

me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 25:8

Anyin a wale, walang hna ha hnö Iehova tuhan sabaoth, ka habe, Anyin a öbun e ca long hok ta je hofuc.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 35:11

Ke haba hnyi ûen eji ame o Nebukaneza than Babulona ka hnyi hnyei, me ohmun e ha, ka habe, Ai öbun, ate me he Jerusalema ai me kec ge utbavat a at Kaledaia, me utbavat a at Suria; me ohmun dut ang ohmun e laba hnyi Jerusalema.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 40:2

Haba taben tavat tue, ame hum Jeremia me ha kâu, ka habe, Haba Iehova a Khongom ame ha ûkongon ang ka hnyi dok ang;

Jeremia 43:10

ke ha thö kodra, ka habe, Walang hna ha hnö Iehova tuhan sabaoth Khongu Isaraela, ka habe, Wâ bi, oge me he ka hum Nebukaneza than Babulona athnyabaik, ke oge me he ka otilâ anyin theron hon je veto e waleji oge konâm; ke e ame he ka ulolo anyin imanoiny than hon e.

Jeremia 46:20

Aigupito kau ae mec unyin; ke ame o but okongon ûheny hnyi hwadro, a o thö e.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Jeremia 8:16

Ame o but ûheny Dana hwan hna menâ hwege hnen haleny je hors: ame tha öbubuny hnyei hnyi ûkukuiny anyin tavat hwege, ke adre me o me an hnyei me ta je ûnyi hia hnyin: taun me tavat adre me labā e.

Ezekiela 12:20

Ke ame he ka iny wau ta je taun adre me labâ, ke ame he ka ba aten hnyei; ke ame he ka khanʼ öbun a inya Iehova.

Ezekiela 16:40

Ke adre me he ka oâ köu deö at, ko adre me he ka lûö u ge veto, me dâoâ u ge je hele vat.

Ezekiela 21:11

Ke adre ham e he ka khet me me hom hnen hnyam: ame so hwan hele vat, eke, adre khet e me ham ka hnyi hnyamen at ûhlingö.

Ezekiela 26:7

Anyin a walang hna ha hnen Than Iehova, ka habe, Wâ bi, oge me he ka oi Nebukaneza than Babulona ûheny hnyi hwadro, a tuhan je than, tha e me je hors, ke je kariota, ke tavat tabö hors, ke deö at, ke tavat ae se hia, ka Turo.

Ezekiela 36:5

anyin a wale, walang hna ha hnen Than Iehova, ka habe, Haba hnyi meiciny anyik ciâ oge hia but ha ka je kolon je hnyei, me ka Edoma hia, waleji adre hom ik hnyei me me idra a hnyi senyin hnyok ae bekhot, me hnyi hûkhötiâ hnen oûnykûm, he ka hna degecâ e hnân söh:

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Habakuka 1:12

Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

Habakuka 1:17

Anyin a wale, hawa, ame he ka öba onyen ûten ert, kʼ ame ca he ka hokhnyok hnyi hnen hna labö ohia ta je hnyei.

Deuteronomi 28:37

Ke u me he ka hnân lâiâ, me vejec, me hofuc hluhluma hnyi je hnyei hia ame he Iehova ka lili u ka hnyin.