Jeremia 25:8 - Iaai Bible 1901 (New Caledonia)

⁸ Anyin a wale, walang hna ha hnö Iehova tuhan sabaoth, ka habe, Anyin a öbun e ca long hok ta je hofuc.

Jeremia 25:8 ပူးပေါင်းရင်းမြစ်များ

II. Man Ûlabainy Je Than. 24:19

Ke so bi e ame kunâ ködrin je perofeta, he ka ohmetu ödrin kö Iehova; me ödrin e siwhegi ödrin, ke ödrin e ca long bi.

Isaia 42:24

Ia hnö Jekob mʼ adre me söh, me Isaraela ka tavat venöu? hawa, ca hnö Iehova? waleji at ate me ânyâ hulo kâu, ke adre me höcö he ka vheno deny je gethen, ke khaca adre me ca long bi anyin ta je hnanyibu.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 25:7

Ke so bi, öbun e ca hia but ling nya, haingö Iehova; me öbun e he ka ohmönyini nya ge ta je huliwa anyin je hnyamöbun me öbun e he ka kong.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 29:19

anyin adre me ca hia but löng hok hofuc, haingö Iehova, waleji oge kunâ kodra a deny je athnyabaik a je perofeta, ke vesâkong, me ûkhûnöng, ke öbun e höcö löng, haingö Iehova.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.