Jeremia 25:34 - Iaai Bible 1901 (New Caledonia)

³⁴ Kuku tenge thö, öbun tavat tuö mamoe; ke tenge thö me seset hnyi kânâ öbun je homakan hnahat mamoe, anyin a hwâdâ thö je bong hnân he ka hlingʼ öbun, ke oge me he ka tha oamemʼ öbun, ke öbun e he ka kolu helâ me kaia ae so.

Jeremia 25:34 ပူးပေါင်းရင်းမြစ်များ

II. Man Ûlabainy Je Than. 36:10

Kʼ a o hmetu huna, haba Nebukaneza a than ame ûkhûnöng, me adre me hom e Babulona ai, tha e me ta je kaiainy uma umö Iehova, me otilö Zedekia, liamekeiny me Jehoiakin hnân thaniny Juda me Jerusalema.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 2:16

ke hon je huiny ʼhia Tasesa, ke hon ta je ûnyi adre tretrau hia ae kese.

Isaia 30:14

Ke e ame he ka thö e helâ me hna thö kaia kânâ adre oamamâ me ca betenge gan; mʼ adre me ca he bi ka wâ ong eckeihen ae ûcû he ka hok meic ûnyi hnyi hnabadröu, me seköiö ûnyi hnyi taben köiö.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 34:7

Ke ame he je bolokiny hnyot ka tha ta mödra, me je nokon kau me je bolok; ke ame he ka monu idra hnyei ge dra, me ame he ka opipikhenya könödra kânâ.

Jeremia 18:22

E so adre me long tenge hnyi umödra je uma, hnyi ûen u me he ka ie oâ kodra deo vat; anyin adre hia but hiny thop hnân odili nya, me ikhâlâ je hnewe hnân li cak.

Jeremia 22:28

Hawa, kaia kânâ ae hmouca adre me hûkotiâ at ang, wale a Konia? hawa, e kaia a ca hnân senyinâ? anyin a ieû adre digic ödra, e me je mâtrâniny, ke adre obʼ ödra ka hnyi hnyei ae ca khanʼ ödra bi?

Jeremia 23:1

EKÖLÖ ge tavat tuö mamoe, tavat adre me ohia me oveseâ je mamoe oge me hat! haingö Iehova.

Jeremia 25:12

Ke e ka bekhötö ta je huna a sevente, me oge me he ka bi hwaban ka than Babulona ke tavat eling can hwakecidra ae kong, haingö Iehova, ke hnyei Kaledaia: ke oge me he ka wia e me me ba wan nyiele balua.

Jeremia 25:23

me Dedana me Tema, me Buza, me ödra hia thithö tavat adre me giâ ke keihen leûnödra;

Jeremia 25:36

E hu hwatenge ge tavat tuö mamoe, me kuku tenge ge homakan hnahat! anyin a hia but Iehova okongoâ hnödra hna han hnyin.

Jeremia 27:7

Ke ame he je hnyei hia thithö ka bi athnyabainy, me lakon, me laöbiny, ke ne o but ame o but ûen iny hnyei bi: ke ame he bi je hnyei ae se hia, me je than ae gan ka thaluâ e.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 48:26

Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

Jeremia 48:38

E hu hwan tenge hon je ban uma hia hnyi Moaba, me hnyi je getheniny: anyin oge hia but thö hmouca Moaba helâ me kaia a ca hnân senyinâ, haingö Iehova.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Je tenge anyi Jeremi 4:21

Senyin dö me hobâ thö, u hluiny Edoma, at ame laba hnyi Uza: Ke ame he ka o köu minya kaia; u me he ka monu ge grâg, me he thu ka ûnyi bi gam.

Ezekiela 34:20

Anyin a wale, walang hna ha hnen Than Iehova, ka habe, hamök a walonya ang, he ka owisa je meno ae pipikhenya me je meno ae delâ.

Daniela 11:8

me hom bâ Aigupito ai je khongudrin, me anyidra je hna theat adre okoiâ, me anyidra je kaia ae ti so, a sileva me gol; ke e ame he ka hokhnyok hnyi je huna ae se ge than hnyi hwadro.

Hosea 8:8

Adre hia but utâ Isaraela: ödra bi walang ang unyin je hnyei helâ me kaia a ca hnân senyinâ.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Zakaria 10:3

Ame ubâhlâ thö anyik hmonyin ka tavat tuö mamoe, ke oge me he ka bi hwaban ka je got baga: anyin a hia but Iehova tuhan sabaoth senâ hnahat haleny wale a lap anyi Juda, ke e ame he ka wiʼ ödra helâ me haleny je hors ae mec hnyi vat.

Zakaria 11:3

Wale ûkuku tengeiny tavat tuö mamoe! anyin ae kong ut anyidra hmanenang: ûkukuiny je nak liona! anyin ae kong ut hmanenanginy Joridano.

Iakobo 5:5

Öbun e hia but laba sot eang hmeledrany me ânyâ webun; öbun e hia but hat je hnyekubun hnyi bong ûhlingö.