Jeremia 25:32 - Iaai Bible 1901 (New Caledonia)

³² Walang hna ha hnö Iehova tuhan sabaoth, ka habe, Wâ bi, ame he ka he ûokonguny ûnyi hnyi ke hnyei ka hnyi ke hnyei, ke ame he ka o weneû ae gan ûnyi hnyi can hmeledrany.

Jeremia 25:32 ပူးပေါင်းရင်းမြစ်များ

II. Man Ûlabainy Je Than. 15:6

Ke ödrin e hmouca but, kʼ ame iwahnaihmiony ke hnyei me ke hnyei, me ke taun me ke taun: anyin a Khong ame bwebweli ödrin ge ta je vec hia.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 34:2

Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.

Isaia 5:28

e so homakan anyidra je fana, ke oto anyidra je cafana hia, ke helâ me oût je boûjimen can haledra je hors, ke helâ me hou anyidra je waengen:

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 23:19

Wâ bi, ame o but weneû anyi Iehova, wale anyin hmönyin, eke, weneû ame khenyo: e ame he hwege hon ban tavat ae kong.

Jeremia 30:23

Wâ bi weneû anyi Iehova wale anyin wathethot ame he thö, a weneû at ame aba: e ame he ka hwâdâ hon ban tavat ae kong.

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Jeremia 6:23

Adre me hok cafana me ö; ödra tavat beöveci, me ca betenge; ame û ifucidra helâ me köiö, ke adre me tabâ je hors; adre me ve tot metâ hia, helâ me tavat ka hnyi vat, ûcom, hluiny Ziona.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Luka 21:10

Me e ame ha ködra, ka habe, Ame he ka tot metâ ke hnyei ka ke hnyei, me ke dokhu ka ke dokhu:

Luka 21:25

Ke ame he ka hu ta je haten hnyi seûno me tehi me ta je okhû; ke hlöuhlöu hnyi hmeledrany minya, ke hlohlo hnyi ta je hnyei can imeainy köiö me ta je waköiöiny ame û: