Jeremia 25:30 - Iaai Bible 1901 (New Caledonia)

³⁰ Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Jeremia 25:30 ပူးပေါင်းရင်းမြစ်များ

II. Samuela 15:25

Me ame ha than kö Zadoka, ka habe, Hom hmeto thö tang tangen Khong ka hnyi taun: ame ne he Iehova ka betenge gak, me e ame he ka ohmetu nya, me tha omanenâ e bi könya me hnyaban minya:

I. Je Than 9:3

Ke Iehova ame ha kâu, ka habe, Oge hia but long hijâm hic me ânyâm sumat hnyi hnyimakök: oge hia but okabâ uma ang, wale u je ânyâ hnân ip iök hnyin nyiele balua; ke ame he ka e ling li emakök me hnyekuk hnyi je bong hia thibut.

II. Man Ûlabainy Je Than. 30:27

Me ame todrö tavat bihut a at Levi, me hahnahicâ tavat: kʼ adre me long hodrin, kʼ ame o but hijidrin hic ka hnyi hnyaban ae kap, walethö hnyi drany.

Salamo 11:4

E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan.

Salamo 132:14

Wale thibi e hnok hna menâ nyiele balua: Oge me he ka labâ e; anyin oge wek e.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 58:5

Kʼ ame ca long ifucin tavat bihihwakecin, Eja ke ne a ne metâ hmonyin hnödra hna bihihwakecin.

Salamo 78:65

Waleling me me hmak dö Than helâ me at ame mokut, Helâ me at ae hwege ame kuku can ame ic waina.

Isaia 16:9

Anyin a wale oge me he ka tenge helâ me ûtengien Jazera can vine hnyi Sibema: Hesebona me Eleala lö, oge me he ka hû u ge je deköiök: anyin ame o but hwan vat hon ânyâm je waniny hnyeun me ânyâm menu.

Isaia 33:3

Ame kec ta je hnyei ge hwan imonumonun; kʼ ame vese but ta je hnyei u ka todrö.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Jeremia 17:12

Theron ae hmanenang me gorany ûnyi hnyi hwân, wale hnen anyita dok ae kap.

Jeremia 25:38

A hia but hna degecâ umen uma helâ me liona: anyin adre hia but wia idra hnyei me hnân lâiâ hnen hwegien at ûöveci, me hnen anyin hmonyin ae hwege.

Jeremia 48:33

Ke adre hom degecâ senyin me hobâ ûnyi hnyi hnyei a wa so ke ûnyi hnyi hnyei Moaba, ke oge hia but öba waina hnyi hna hlec wan vine: e ba at ame he ka utö me hongot senyin; haba hongot senyin, me helâ me ba hongot senyin.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Deuteronomi 26:15

Wâ ju eû hnyi hnyabam ae kap ûnyi hnyi drany ethö, me ohnahicâ em hnyei Isaraela, me kûnâ u je ham kohmun, helâji me hnâm hna khemanyin ka lakamöhmun, a hnyei ame di hnen dân basin me hani.

Hna Omanenâ 19:15

Ke ame o but ûnyi hnyi hnyimen hele vat ae so hwan, me me he ka kot kâu ta je hnyei: ke e ame he ka musi ödra ge osö fao: ke e ame ututo hnyi hna hlic vineiny tang hmonyin ae gan anyin Khong Ataekhanahia.