Jeremia 25:3 - Iaai Bible 1901 (New Caledonia)

³ Hwân hnyi huna a thötini Josea nöku Amona than Juda, ke ne o but hnyi bong ang, wale hnyi huna a twente theri, ame o but könya hofuc ho Iehova, me oge hia but ha köbun, me labö vesâ kong me ha, ke öbun e ca löng bi öbun.

Jeremia 25:3 ပူးပေါင်းရင်းမြစ်များ

Genese 22:3

Me Aberahama ame vesâkong, me ip tap hon haleny asina, me hom ke li at ûnyi hnyi je hidröu unyin, me Isaaka a nokon; ke e ame khe utö hnân le hut, me todrö me he ka hnyi dok Khong ame hia but ha kâu.

I. Je Than 22:3

Ke haba than Isaraela ame ha ka lakeiny, ka habe, Hawa, e ca khanʼ öbun a itin Ramothe-gileada, ke otin e laba hnyibu, me ca hûgûnâ e ûnyi hnyi hnyamen at Suria?

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

II. Man Ûlabainy Je Than. 24:19

Ke so bi e ame kunâ ködrin je perofeta, he ka ohmetu ödrin kö Iehova; me ödrin e siwhegi ödrin, ke ödrin e ca long bi.

II. Man Ûlabainy Je Than. 34:1

EIT but je hunai Josea hnyi ûen e ame hwân ka than; ke e ame musi hnyi Jerusalema thote wan je huna.

II. Man Ûlabainy Je Than. 34:3

Ke haba hnyi huna a eitiny anyin musi, ke tiga ûhnyûkong, e ame ibi hwân he ka elâm Khongu Davita a kiben: ke haba hnyi huna a twelv e ame hwân ka ohia je dok ae gorany hnyi Juda me Jerusalema, me je Aseira, me je hnatheat, me je hna oköiâ.

II. Man Ûlabainy Je Than. 34:8

Ke haba hnyi huna a eitininy anyin musi, kʼ ame hia but ânyâwia hnyei, me uma, me e ame kunö Safana nöku Azalia, me Maseia at ame muso taun, me Joa nöku Jehoaza at ame oûnykûmeâ, he ka ânyâ wia uma umö Iehova a Khongon.

II. Man Ûlabainy Je Than. 36:15

Ke haba Iehova Khongon je lakamödrin, ame ûkhûnöng ködrin a deny anyin je ûthumetu, ame vesâkong me ûkhûnöng; anyin a e ame betenge ge lakeiny, me hnyaban:

Salamo 81:13

E na he ju lakeik ba ling nya, Me vheno dek je gethen hnen at Isaraela!

Esodo 8:20

Ke Iehova ame ha kö Mose, ka habe, U ma vesâkong me tot hnyi hnyimakö Farao; wâ bi, e ame he ka hnyi köiö; ke u ma he ka ha kâu, ka habe, Walang hna ha hnö Iehova, ka habe, Hna but lakeik he ka bi athnyabaik.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Jeremia 1:2

waleji ame o hofuc ho Iehova kâu hnyi bong bongu Josea, nöku Amona than Juda, hnyi huna a thötininy anyin musi.

Jeremia 11:7

Anyin oge ha hwegiâ ka lakamöbun hnyi bong oge hum ödra hnyin ûnyi hnyi hnyei Aigupito, ke ne o but hnyi bong ang, me vesâkong me ha hwegiâ, ka habe, Löng ju ifucik.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 25:4

Ke a hia but Iehova kunâ köbun je perofeta hia a je athnyabainy, ame vesâ kong me ûkhûnöng: ke öbun e ca hia but löng, me ca tâ je hnyikönyöbun he ka löng;

Jeremia 26:5

me long ta je hofuc hwan lathnyabaik a je perofeta, waleji oge kunâ köbun, me vesâ kong me kunʼ Ödra, ke öbun e ca long bi;

Jeremia 29:19

anyin adre me ca hia but löng hok hofuc, haingö Iehova, waleji oge kunâ kodra a deny je athnyabaik a je perofeta, ke vesâkong, me ûkhûnöng, ke öbun e höcö löng, haingö Iehova.

Jeremia 32:33

Ke adre me hia but wia könya hotudra, me ca hnyimakodra bi: eja ke ne oge ne nʼ ödra, me vesâ kong me ûne, me adre me ca he ka löng me kap hna ûnö.

Jeremia 35:14

A hwâdâ but hofuc bo Jonodaba nöku Rekaba waleji e ame hûna ka je lakon, mʼ ödrin e ca ic waina, ke ödrin e ca ic ke ne o but hnyi bong ang, anyin ödrin e löng hoton hna hûna hnen kamödrin: ke so bi, oge hia but fuc köbun me vesâkong me ha, ke öbun e ca ling nya bi.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 36:1

KE haba hnyi huna a vaki Jehoiakima nöku Josea than Juda, me ame o but hofuc ang kö Jeremia ûnyi ga Iehova, ka habe,

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Jeremia 7:13

Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:

Jeremia 7:25

Hwân hnyi bong a he but hnyin je lakamöbun ûnyi hnyi hnyei Aigupito ke ne o but hnyi bong ang, oge hia but kunâ köbun je athnyabaik hia a je perofeta, me vesâkong hnyi je bong me ûkhûnöng:

Ezekiela 33:4

ke haba at ame long hwan trutru, ke ame ca vheno bi, ke ame ne o hele vat me hlingâ e, me ame he dren ka takoû e bi.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Mareko 1:35

Ke haba nyi, ke tiga bec ka o thö seûno, me e ame höihöi thö me didrut, me he ka hnyi dok ae ba aten, me hic eling.

Ioane 8:2

Ke hnyi hnyomakatu kong e ame o hmetu ka hnyi uma kap, me ame he but kâu tavat hia; ke e ame laba ju me nʼ ödra.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

II. Timoteo 4:2

ka habe, Khetâ thö hofuc; ke hwege thö hnyi ûen ae ûcû, me ûen ae ca ûcû; owisa thö, nâ thö, sihwege thö me hokhnyok beû hmâ me ûne.