Jeremia 25:22 - Iaai Bible 1901 (New Caledonia)

²² me ta je thaniny hia Turo, me ta je thaniny hia Sidona, me je thaniny bomene hnyi ke keihen hoton köiö;

Jeremia 25:22 ပူးပေါင်းရင်းမြစ်များ

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 23:15

Ke hnyi bong eling, adre me he ka hnying Turo hnyi sevente je huna, helâ me je bong bongon ke than a khaca: ke hnyi obiny je huna a sevente ame he Turo ka helâ me sit khumöng ka momo hnyi gethen.

Isaia 23:4

Zidona lö, hmehma ju: anyin a hia but fuc hnen köiö, haingen hnabâiny köiö, ka habe, A ca vec hnyekuk, me hnokoâ, ke oge me ca hat je hidröu, me tuö wahlu.

Jeremia 27:3

ke kunâ thö ta je ûnyi e ka than Edoma, me than Moaba, me thaniny je laku Amona, me thaniny Turo, me thaniny Zidona, a deny je ûthumetu tavat adre me o hnyi Jerusalema kö Zedekia than Juda;

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Jeremia 47:4

can bong ame o he ka söh at Filisiti hia, me subâ degecâ e hnyi Turo me Zidona ta je ûhadruo a laba biju: anyin ame he Iehova ka söh at Filisiti, ta je kolon bomene Kafetori.

Ezekiela 27:27

Haba je omjehem, me ânyâm je hna ûcû, me ânyâm ta je ûnyi hnân ûcû, me je aten hom je hu, me ânyâm tavat adre kû deny hu, me ânyâm tavat bi ouge, me tavat adre me ûco ânyâm ta je ûnyi, me ânyâm tavat vat hia hnyi wanbâm, me ânyâm bunyen hia thithö hnyi wanbâm, adre me he ka tha û eû hnyi köiö hnyi bong adre me he ka hangö u hnyin.

Ezekiela 28:1

KE ame o but minya könya hofuc ho Iehova, ame ha, ka habe,

Ezekiela 28:20

Ke ame o but könya hofuc ho Iehova, ame ha, ka habe,

Ezekiela 28:21

Nokon at lö, hnyimâkâm dö ka Zidona, me perofeta ûcon,

Ezekiela 29:18

Nokon at lö, haba Nebukaneza than Babulona ame ânyâ huliwa ae so hmönyin ûcon Turo hnen anyin je utbavat: e hadreû thö je bödra hia, kʼ ame han hia but je abenyidra; ke so bi e ame ca kap troban, me anyin utbavat, ûnyi Turo, hnyi huliwa e ame ânyâ ûcon:

Ezekiela 32:30

E bi je thaniny hwadro, ödra hia, me at Zidona hia, adre tha utut me tavat adre hlingʼ ödra; waleji hnyi ot adre oâ hnyi hwegiödra ödra hmehma but; ke adre me mokut a gʼ adre ca peritomon, tha ödra me tavat adre hlingʼ ödra ge hele vat, me tha hmehma me tavat adre me utut ka hnyi thop.

Ezekiela 39:6

Ke oge me he ka kunâ meic kö Magog, me ka tavat adre me laba khotkic hnyi je bomene: me adre me he ka wâ a inya Iehova.