Jeremia 25:21 - Iaai Bible 1901 (New Caledonia)

²¹ me Edoma, me Moaba, me je laku Amona;

Jeremia 25:21 ပူးပေါင်းရင်းမြစ်များ

Salamo 137:7

Iehova lö, ûnykûme ju ka laku Edoma Ge bong bongon Jerusalema; Waleji adre me ha, ka habe, Thö degecâ but, thö degecâ but, Ke ne o but ka hnyi taben.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Jeremia 27:2

Walang hna ha könya hnö Iehova, ka habe, Anyâ thö hobi köu je tö me je hna ûhûkâlâköuâ, me ip hon nyem:

Jeremia 27:3

ke kunâ thö ta je ûnyi e ka than Edoma, me than Moaba, me thaniny je laku Amona, me thaniny Turo, me thaniny Zidona, a deny je ûthumetu tavat adre me o hnyi Jerusalema kö Zedekia than Juda;

Jeremia 40:14

me adre me ha kâu, ka habe, E khanö u a haba Baalisa thaniny je laku Amona ame kunö Isamaela nöku Nethania he ka hlingö u? Ke haba Gedalia nöku Ahikama ame ca kap hnödra hna ha.

Jeremia 48:1

GE Moaba. Walang hna ba hnö Iehova tuhan sabaoth, Khongu Isaraela, ka habe, Ekölö ge Nebo! anyin a hnyot dö; a hmehma but Kiriathaima, adre me hûgûnâ e: a hmehma but Misegab, kʼ adre hagutâ e.

Jeremia 49:1

GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Jeremia 49:7

Ge Edoma. Walang hna ha hnö Iehova tuhan sabaoth, ka habe, Hawa, e ba hmetu metâ hnyi Temana? hawa, a aû but hna khana bongon unyin tavat wâ wia? ke a hia but anyidra metâ?

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Ezekiela 25:1

KE ame o but könya hofuc ho Iehova ame ha, ka habe,

Ezekiela 32:29

E bi Edoma me anyin je than me anyin je taben hia, waleji adre tha ip hnyi anyidra tang hwege unyin tavat adre hlingʼ ödra ge hele vat: adre me he ka tha mokut me tavat adre ca peritomonâ, me tavat adre me utut ka hnyi thop.

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Amosa 1:13

Walang hna ha hnö Iehova, ka habe, Can kun ta monuiny lakon Amona, eke, can vak, me oge me ca he ka ohavâ hwaban e; anyin adre hia but kave je erkin hnyi Gileada, mʼ adre me he ka ogânâ idra:

Amosa 2:1

WALANG hna ha hnö Iehova, ka habe, Can kun ta monuiny Moaba, eke, can vak, me oge me ca he ka ohavâ hwaban e; anyin e ame thong je jeien than Edoma me me dröu but:

Obadia 1:18

Ke ame he lap anyi Jekob ka meic bi, ke lap anyi Josefa ka bâhlân, ke lap anyin Esau helâ me thatûnyin hwit, me adre me he ka vhök ödrin me thong degeci ödrin: ke ame he ka ba kolon lap anyi Esau, anyin a hia but ha Iehova.