Jeremia 25:18 - Iaai Bible 1901 (New Caledonia)

¹⁸ wale Jerusalema me je tauniny Juda, me je thaniny, me je taben, mʼ adre me wiʼ ödra he ka ba wan, me hnân kuko me jû, me hangâ helâ me hnyi bong ang;

Jeremia 25:18 ပူးပေါင်းရင်းမြစ်များ

I. Je Than 8:24

at ame tuö hobi kâu athnyabaem, a cica Davita, waleji u je fuc kâu: eke, u je fuc ge hnyimâm, me u je hia but ohwâdâ ge hnyamâm, helâ me hnyi bong ang.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Man Ûlabainy Je Than. 29:8

Anyin a wale e but hon at Juda me Jerusalema hmonyin anyi Iehova, me e ame hia but hnʼ ödrin he ka bwebwet, me hnân lâiâ, me jû, helâ me öbun e wâ ge je li emaköbun.

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Nehemia 9:36

Wâ ju, ohmun ang lathnyabaem hnyi bong ang, ke haba hnyei waleji u je ham ka lakamöhmun he ka an wan, me soiny, wâ bi, ohmun ang a lathnyaba hnyin.

Salamo 60:3

U je hia but omanenâ ka lakem ta je ûnyi ae hmak: U je hia but kunʼ ohmun he ka ijem waina ame omonumonu at.

Isaia 40:23

at ame oûnyûkongo me oba je than; at ame wia tavat owisa hmeledrany mʼ adre me ûnyi baû bi.

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 13:3

Me ame olo o hofuc ho Iehova könya ame ha, ka habe,

Jeremia 13:9

Walang hna ha hn Iehova, ka habe, Helâe oge me he ka okongoâ hnyok bi gan anyi Juda, me hnyok bi gan ae gan hmâ anyin Jerusalema.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Ezekiela 30:7

Ke ame he ka wau idrin hnyi wanben je hnyei a wau, ke ame he je tauniny ka laba hnyi wanben je taun ae ba aten.

Daniela 9:12

Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Josua 6:18

Ke öbun e he ka tuʼ öbun bi ge ta je omjeû ae kap; wâ öbun nye hia but ke ip, me hom ûnyi adre ke ip; me ham hnaûhango ka lap anyin, at Isaraela hia, me okongoâ e.

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?